Vivo T4 5G स्मार्टफोन भारतीय मार्केटमध्ये लाँच होण्याच्या तयारीत आहे. कंपनीने नुकतेच या आगामी डिव्हाइसच्या काही प्रमुख फीचर्सचा उलगडा केला असून यामध्ये बॅटरीची क्षमता आणि चार्जिंग स्पीडसाठी मोठे अपडेट्स दिले आहेत. Vivo T4 5G ला 7,300mAh बॅटरी आणि 90W जलद चार्जिंग सपोर्ट मिळण्याची शक्यता आहे, जे Vivo T3 5G च्या तुलनेत जास्त सुधारणा असलेले आहेत.
Vivo T4 5G च्या लाँचच्या वेळापत्रकाबद्दलची माहिती आता पुन्हा एकदा समोर आली आहे. अनेक आधीच्या लीक आणि रिपोर्ट्सनुसार, हा स्मार्टफोन भारतात एप्रिल महिन्याच्या अखेरीस लॉन्च होईल. या फोनची किंमत Vivo T3 5G च्या किमतीच्या जवळपास असण्याची शक्यता आहे, ज्याची सुरुवातीची किंमत 19,999 रुपये होती. नवीन Vivo T4 5G च्या 8GB + 128GB, 8GB + 256GB आणि 12GB + 256GB या स्टोरेज व्हेरियंटमध्ये उपलब्ध होण्याची शक्यता आहे आणि त्याची किंमत अंदाजे 20,000 रुपये ते 25,000 रुपये दरम्यान राहू शकते.
Vivo T4 5G ला अत्याधुनिक Snapdragon 7s Gen 3 SoC मिळण्याची शक्यता आहे. हे प्रोसेसर AnTuTu चाचणीमध्ये 8,20,000 पेक्षा जास्त स्कोर मिळवू शकते. डिस्प्ले बाबत, Vivo T4 5G मध्ये एक क्यूअॅड-कर्वड AMOLED स्क्रीन असण्याची शक्यता आहे, ज्यामध्ये 5,000 nits पर्यंतचे पीक ब्राइटनेस असू शकते. विशेषतः जास्त उन्हात देखील स्क्रीन व्यवस्थित दिसेल, असा दावा करण्यात आले आहे. यामध्ये 6.67 इंचाचा फुल-HD+ डिस्प्ले असण्याची शक्यता आहे, ज्यामध्ये 120Hz रिफ्रेश रेट देखील असेल.
Vivo T4 5G च्या कॅमेरा सिस्टीमबद्दल देखील काही महत्त्वाची माहिती समोर आली आहे. यामध्ये 50 मेगापिक्सेलचा Sony IMX882 मुख्य कॅमेरा आणि एक 2 मेगापिक्सेलचा दुसरा कॅमेरा असण्याची शक्यता आहे. तसेच, कॅमेरा मॉड्यूलभोवती गोल्ड अॅक्सेंट असलेली एक आकर्षक एमेरेल्ड ब्लेज कलर शेड उपलब्ध असू शकते. सेल्फी कॅमेराबद्दल बोलायचे झाल्यास, त्यात 32 मेगापिक्सेलचा सेन्सर असेल.
Vivo T4 5G मध्ये IR ब्लास्टर आणि इन-डिस्प्ले फिंगरप्रिंट सेन्सरसुद्धा असू शकतात, जे वापरकर्त्यांना स्मार्टफोनच्या सुरक्षेसाठी अधिक सुविधा देईल. स्मार्टफोनची साइज 8.1 मिमी जाडीचे आणि वजन 195 ग्राम आहे. Android 15 आधारित Funtouch OS 15 या स्मार्टफोनमध्ये दिले जाईल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
