Whatsappने आणलं नवं फीचर; चॅटिंग होणार आणखी सेफ

वृत्तसंस्था
मंगळवार, 13 ऑगस्ट 2019

Whatsapp मेसेंजर लवकरच नवीन फीचर आणणार आहे. या फिचरमुळे चॅटिंग आणखीनच सेफ होणार असल्याचे सांगण्यात आले आहे. ‘फिंगरप्रिंट लॉक’नावाचं हे फीचर असून लेटेस्ट बीटा व्हर्जनमध्ये हे फीचर उपलब्ध देखील झाले आहे.

नवी दिल्ली : Whatsapp मेसेंजर लवकरच नवीन फीचर आणणार आहे. या फिचरमुळे चॅटिंग आणखीनच सेफ होणार असल्याचे सांगण्यात आले आहे. ‘फिंगरप्रिंट लॉक’नावाचं हे फीचर असून लेटेस्ट बीटा व्हर्जनमध्ये हे फीचर उपलब्ध देखील झाले आहे.

व्हॉट्सअॅप वापरणाऱ्याच्या फिंगरप्रिंटशिवाय इतर कोणालाही आता व्हॉट्सअॅप उघडता येणार नाही.(ताज्या बातम्या मोबाईलवर मिळवा, 'सकाळ'चे App डाऊनलोड करा) त्यामुळे त्याची चॅटिंग आता त्याच्या परवानगीशिवाय दुसरा कोणीही पाहू शकणार नाही. जर तुमच्याकडे याचे लेटेस्ट व्हर्जन असेल तर Whatsappच्या सेटिंगमध्ये जाऊन अकाउंट पर्याय निवडल्यानंतर प्रायव्हसी सेटिंगमध्ये जाऊन तुम्हाला हे फीचर अॅक्टिव्ह करता येणार आहे.

व्हॉट्सअॅपवर पाठवलेला मेसेज सुरक्षित असल्याचे नेहमी सांगण्यात येते परंतु, पण तरीही आपल्याला आपली चॅटिंग कोणीतरी पाहील याचा धोका वाटत असतो. पण, आता फिंगरप्रिंट लॉक या फिचरमुळे परवानगीशिवाय व्हॉट्सअॅप उघडता येणार नाही. मोबाइल फोनमधील फिंगरप्रिंट सेन्सरचा यासाठी उपयोग होईल. या फीचरमध्ये ऑटोमॅटिकली लॉकसाठी तीन पर्याय असणार आहेत. यातील पहिला पर्याय म्हणजे तातडीने लॉक करण्याचा, दुसरा पर्याय एक मिनिटानंतर आणि तिसरा पर्याय 30 मिनिटांनंतर लॉकचा असेल.


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: WhatsApp Brings Fingerprint Lock Feature to Android With Latest Beta