E-PAN कार्ड महत्वाचे का आहे? घरबसल्या कसे करू शकता डाउनलोड, वाचा

भारतात आधार कार्ड (Aadhaar Card) सारखे पॅन कार्ड (PAN Card) हे देखील एक अतिशय महत्त्वाचे डॉक्युमेंट आहे, जो वैध फोटो आयडी प्रुफ म्हणून वापरला जातो. बँक खाते उघडण्यापासून ते इतर अनेक कामांसाठी पॅन कार्ड आवश्यक आहे. अशा परिस्थितीत, ते हरवणे आपल्यासाठी अडचणीचे ठरु शकते.

तुमचे पॅन कार्ड हरवले असेल, तर तुम्ही ई-पॅनचा लाभ देखील घेऊ शकता. ई-पॅन कार्ड हे फिजिकल पॅन कार्ड म्हणून काम करते आणि ते सर्व फिजीकल व्यवहार आणि जेथे पॅन दाखवणे अनिवार्य आहे तेथे वापरता येत. ज्यांच्याकडे वैध आधार क्रमांक आहे आणि आधारशी लिंक केलेला रजिस्टर्ड मोबाइल क्रमांक आहे ते आता ई-पॅनचा लाभ घेऊ शकतात. दरम्यान ज्यांच्याकडे फिजिकल पॅन कार्ड नाही तेच लोक ई-पॅन कार्डसाठी अर्ज करू शकतात. प्राप्तिकर कायदा, 1961 च्या कलम 272B च्या तरतुदीनुसार, एकापेक्षा जास्त पॅन कार्ड असल्यास 10,000 रुपये दंड आकारला जाऊ शकतो.

पॅन कार्ड ऑनलाइन डाउनलोड करणे ही अतिशय सोपी प्रक्रिया आहे. तुम्ही घरी बसल्या तुमच्या फोनवर सहज डाउनलोड करू शकता. त्याची प्रोसेस पुढीलप्रमाणे आहे.

ई-पॅन कार्ड कसे डाउनलोड करावे:

• जर तुम्हाला ई-पॅन कार्ड डाउनलोड करायचे असेल तर तुम्हाला प्रथम NSDL च्या अधिकृत पोर्टलवर जावे लागेल. यासाठी तुम्ही https://www.onlineservices.nsdl.com/paam/requestAndDownloadEPAN.html वर क्लिक करू शकता.

• होमपेजवर Apply for PAN वर क्लिक करा आणि आपले आवश्यक डिटेल्स एंटर करा. त्यानंतर डिक्लेरेशन बॉक्सवर टिक करा आणि कॅप्चा सबमिट करा.

• आता तुमच्या पॅनच्या सर्व आवश्यक डिटेल्स व्हेरिफाय करा ज्या तुमच्या स्क्रीनवर दिसतील. आता पॅन व्हेरिफिकेशनसाठी कोणत्याही एका मोडवर क्लिक करा. त्यानंतर डिक्लेरेशन बॉक्सवर टिक करा आणि जनरेट OTP वर क्लिक करा.

• OTP व्हेरिफाय करा आणि Continue With Paid ई-पॅन डाउनलोड फॅसिलिटी वर क्लिक करा

• आता कोणताही एक पेमेंट गेटवे निवडा आणि पेमेंट कन्फर्म करण्यासाठी ऑप्शनवर क्लिक करा.

• प्रोसेसींग फी म्हणून 9 रुपये भरा. पेमेंट यशस्वी झाल्यानंतर कंटिन्यू ऑप्शनवर क्लिक करा.

• पेमेंट रिसिप्ट तयार झाल्यानंतर, डाउनलोड ई-पॅन वर क्लिक करा. तुमचे ई-पॅन कार्ड तुमच्या मोबाईल फोन किंवा पीसीमध्ये डाउनलोड केले जाईल.