सबस्क्राईब करा
Siri 2.0 : आपल्या सर्वांना माहिती आहे की Apple नेहमी नवनवीन तंत्रज्ञान आणण्यात आघाडीवर असते. यंदाच्या WWDC 2024 मध्येही त्यांनी वापरकर्त्यांना निराश केले नाही. या कार्यक्रमात सर्वाधिक चर्चा झाली ती "Apple Intelligence" ची. हे म्हणजे कृत्रिम बुद्धिमत्तेवर आधारित अनेक नवनवीन वैशिष्ट्ये जे या वर्षाच्या अखेरपासून तुमच्या Apple डिव्हाइसेसमध्ये येणार आहेत.
पण सुरवातीला ही सर्व्हिस फक्त काहीच निवडक डिव्‍हाइसेसवरच उपलब्ध असेल. iPhone 15 Pro, iPhone 15 Pro Max आणि M चिप असलेले Mac आणि iPad यांवरच तुम्ही Apple Intelligence चा अनुभव घेता येईल.
Apple Intelligence तुमच्या लिखाणात, फोटो एडिटिंगमध्ये आणि गोष्टी व्यवस्थित ठेवण्यात तुमची मदत करणार आहे. उदाहरणार्थ, तुम्ही ईमेल लिहित असाल तर Apple Intelligence तुम्हाला लिहिण्याच्या शैली आणि फॉरमॅटवर सुधारणा सुचवेल. फोटो एडिटिंगमध्ये तुम्ही तुमचे स्वतःचे इमोजी बनवू शकाल आणि फोटोमधून एखादा ऑब्जेक्ट काढून टाकू शकाल. इतकेच नाही तर AI तुमच्या फोटो आणि व्हिडिओज मधून ते तुमच्यासाठी एक स्टोरीही बनवून देईल.
Apple ने या WWDC मध्ये इतरही अनेक घोषणा केल्या ज्या खूपच चांगल्या आहेत. iOS 18 मध्ये तुम्ही तुमची होम स्क्रीन आणि कंट्रोल सेंटर आणखी चांगल्या प्रकारे डिझाइन करू शकाल. अगदी तुमच्या अॅप्सवर Face ID लावून त्या सुरक्षितही करू शकाल. iPadOS 18 मध्येही अशीच अपडेट्स येत आहेत. त्याशिवाय Mac आणि Watch च्या सॉफ्टवेअरमध्येही अनेक नवीन फीचर्स येत आहेत.
या सर्व घोषणांमुळे Apple पुन्हा एकदा टेक्नोलॉजीच्या क्षेत्रात आघाडीवर येण्याची शाश्वती वाटते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.