E20 Petrol: India’s Step Toward Energy Independence — and Its Risks
E sakal
लेखक : वैभव खुपसे
भारताने पेट्रोलमध्ये २०% इथेनॉल मिश्रण (E20) साध्य करून महत्त्वपूर्ण पल्ला गाठला आहे. जे उद्दिष्ट २०३० साठी निश्चित करण्यात आले होते, ते २०२५ मध्येच साध्य झाले आहे. या कार्यक्रमात ऊर्जा सुरक्षितता मजबूत करणे, प्रदूषण कमी करणे आणि शेतकऱ्यांचे उत्पन्न वाढवणे अशी तिन्ही ध्येये साध्य करण्याची क्षमता आहे. तथापि, या उल्लेखनीय यशासोबत काही अडचणी आणि अनिश्चितता देखील पुढे येत आहेत.
सध्याची स्थिती
आज देशातील बहुतेक पेट्रोल पंपांवर फक्त E20 उपलब्ध आहे. सर्वोच्च न्यायालयानेही सरकारच्या या धोरणाला मान्यता दिली आहे. उत्पादन क्षमता झपाट्याने वाढली असून ऊसाचा रस, सिरप, धान्य यांचा वापर करून मोठ्या प्रमाणावर इथेनॉल तयार होत आहे. यासोबतच, कृषी अवशिष्टांपासून तयार होणाऱ्या दुसऱ्या पिढीच्या (2G) इथेनॉल उत्पादनालाही आता वेग येत आहे.