उत्पत्ती आणि भौगोलिक पार्श्वभूमी
अमरावती हे स्थळ आजच्या आंध्र प्रदेशातील गुंटूर जिल्ह्यात कृष्णा नदीच्या काठावर वसले आहे. हे शहर प्राचीन काळी धन्यकटक या नावाने प्रसिद्ध होते आणि ते एक बौद्ध धर्माचे महत्त्वाचे केंद्र होते.
इ.स.पू. दुसऱ्या शतकापासून इ.स. तिसऱ्या शतकापर्यंत या शिल्पशैलीचा उत्कर्ष झाला. प्राचीन अमरावती महास्तूप हे या शैलीचे सर्वात मोठे उदाहरण असून याच्याभोवती असलेल्या रेलिंग्ज आणि तोरणांवर कोरलेली शिल्पे ही बौद्ध शिल्पकलेचा अत्युच्च नमुना मानली जातात.