शहरात इंदिरा गांधी क्रीडा संकुलात टेबल टेनिसचे एकच कोर्ट असून सरावासाठी खेळाडूंना आणखी कोर्ट असणे गरजेचे आहे. शासनाने खेळाडूंना कोर्ट उपलब्ध करून देण्यात यावे अशी शहरातील खेळाडू अन् क्रीडा संघटनांची मागणी आहे. .शहरातील या टेबल टेनिस कोर्टमध्ये सरावासाठी लांबून खेळाडू येत आहेत. या एकाच कोर्टमध्ये गर्दी होत असल्याने खेळाडूंना अडचणींना सामोरे जावे लागत आहे. सध्या खेळाडूंचा जास्त वेळ हा सरावासाठी येण्या-जाण्यात खर्च होत आहे..Datta Jayanti 2024: दत्त जयंतीनिमित्त अक्कलकोटला जायचं प्लॅन करताय? सोलापुरातील 'या' प्राचीन मंदिराला नक्की द्या भेट.शहरात खेळाडूंना सोईस्कर अशा ठिकाणी कोर्ट उपलब्ध झाल्यास खेळाडूंना सरावाला वेळ मिळणार असून यामुळे खेळाडूंच्या संख्येत वाढ होण्यास मदत होणार आहे. या माध्यमातून आंतरराष्ट्रीयस्तरावरील खेळाडू तयार होण्यास वेग मिळणार आहे. शहरातील टेबल टेनिस खेळाची स्थिती सुधारण्यासाठी खेळाडूंना कोर्ट उपलब्ध व्हावे यासाठी शासनाने प्रयत्न करावे अशी अपेक्षाही व्यक्त होत आहे..इंदिरा गांधी क्रीडा संकुलात सरावासाठी सोरेगाव, विजापूर रोड परिसर, शेलागी, बाळे, घरकुल, देगाव या भागातून खेळाडू येत आहेत.माझ्या वडिलांपासून हा खेळ खेळला जात आहे. आमच्या कुटुंबातील तिसरी पिढी या खेळात यश मिळवत आहे. शहरात शासकीय टेबल टेनिसचे एकच कोर्ट असल्यामुळे गेल्या पंचवीस वर्षापासून खेळाडूंना हा त्रास सहन करावा लागत आहे. खेळाडूंच्या सरावासाठी येण्या-जाण्यात वेळ खर्च होत असून याचा परिणाम अभ्यास व आरोग्यावर पडत आहे. त्यामुळे शासनाने खेळाडूंना कोर्ट उपलब्ध करून द्यावे एवढी अपेक्षा आहे.-गणेश दळवी, माजी टेबल टेनिसपटू.टेबल टेनिसच्या सरावासाठी जास्त जागा लागत नाही. सरावाला मोठ्या मैदानाची आवश्यकता नसल्याने लोकसंख्येच्या तुलनेत कोर्टाची गरज आहे. खेळाडूंच्या प्रगतीसाठी क्रीडा विभागातील अधिकाऱ्यांनी यात लक्ष घालण्याची आवश्यक असून खेळाडू घडवण्यासाठी क्रीडा क्षेत्राची परिस्थिती सुधारण्याची गरज आहे.-जे. एम. पुणेकर, सेक्रेटरी सोलापूर टेबल टेनिस असोसिएशनटेबल टेनिस खेळातील सराव आणि शाळेतील वेळाचा ताळमेळ बसत नाही. यामुळे खेळात आणि अभ्यासात वेळ देणे कठीण आहे. तरीसुद्धा खेळाडू वेळकाढून सराव आणि अभ्यास या गोष्टींमध्ये समतोल राखून स्पर्धेत उत्कृष्ट खेळ करण्याचा प्रयत्न असतो. शासनाने कोर्ट उपलब्ध करून दिल्यास खेळाडूंना सोपे जाणार आहे.- शिवानी सानप, टेबल टेनिसपटू.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
