अंबाजोगाई : शहर परिसरात अधूनमधून झालेल्या पावसामुळे बालाघाटाच्या रांगेतील डोंगरमाथा, दऱ्या-खोऱ्यांनी हिरवा शालू पांघरला आहे..येल्डा रोडवरील डोंगराच्या कुशीत असलेला नागनाथ धबधबा कोसळू लागला आहे. परिसरातील या निसर्गाचे सौंदर्य बघण्यासाठी मुकुंदराज, बुट्टेनाथ परिसरात पर्यटकांची वर्दळ वाढू लागली आहे..शहराच्या उत्तरेला बालाघाट डोंगर रांगा आहेत. याच भागात अंबाजोगाई शहराच निसर्ग वैभव व सौंदर्य आता पर्यटकांना खुणावत आहे. याच परिसरात मराठीचे आद्यकवी स्वामी मुकुंदराज यांचे समाधी मंदिर एका दरीत आहे. .घाट उतरून खाली गेल्यानंतर खळाळून वाहणारी वाण नदी, एका पहाडाच्या कपारीतील बुट्टेनाथ, वाण नदीच्या काठावरील नागनाथ हे महादेवाचे मंदिर, त्याच्या आजूबाजूस असलेला डोंगर हिरवाईने बहरला आहे. या डोंगराच्या कुशीतून नागनाथ परिसरातील व मांडवा मार्गावरील धबधबे कोसळू लागले आहेत. परिसरातील ओहोळ, खडकांतून झिरपणारे पाणी, झाडांची हिरवी पालवी व विविध प्रकारच्या गवतांमुळे परिसर निसर्गरम्य झाला आहे..Polytechnic Admission: प्रवेशनिश्चितीचा आज अखेरचा दिवस; पॉलिटेक्निक तिसरी फेरी, पसंतीचे कॉलेज मिळण्याची आशा.गंध रानफुलांचा...या परिसरात विविध रानफुलेही बहरली आहेत. त्यामुळे परिसर गंधित झाला आहे. आडवळणाने वाहणाऱ्या वाण नदीचे पात्रही वाहते झाल्याने, या परिसराने सुंदर दागिना परिधान केल्याचे रूप घाटमाथ्यावरून दिसत आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
