पर्यटकांसाठी आनंदाची बातमी! कास पठारावरील फुलांचा हंगाम 10 सप्टेंबरपासून सुरू | Sakal
sakal

बोलून बातमी शोधा

Kaas Plateau Flowering Season

कास पुष्प पठारावरील फुलांचा हंगाम यावर्षी तब्बल दहा दिवस उशिरानं सुरू होत आहे.

पर्यटकांसाठी आनंदाची बातमी! कास पठारावरील फुलांचा हंगाम 10 सप्टेंबरपासून सुरू

सातारा : जागतिक वारसा स्थळ असणाऱ्या कास पुष्प पठारावरील (Kaas Pathar) फुलांचा हंगाम यावर्षी तब्बल दहा दिवस उशिरानं सुरू होत आहे. कास पठारावरील नैसर्गिक रंगीबेरंगी रानफुलांचा (Kaas Plateau Flowering Season) आनंद लुटण्यासाठी पठार पर्यटकांना यावर्षी खुलं करण्यात येणार असून 9 सप्टेंबरपासून ऑनलाईन बुकिंग (Online Booking) सुरू होणार असल्याचा निर्णय वनसमितीच्या बैठकीत घेण्यात आला.

चालू वर्षीचा हंगाम हा शनिवार दिनांक 10 सप्टेंबर पासून सुरू करत असल्याची माहिती कास पठार कार्यकारी समिती (Kas Plateau Executive Committee), तसेच वनविभाग सातारा (Forest Department Satara) यांच्याकडून देण्यात आलीय. कास पठार कार्यकारी समितीकडून हंगाम सुरू करण्याबाबतचे सर्व नियोजन करण्यात आले आहे. यावर्षी हंगामासाठी साधारणपणे 150 स्वयंसेवकांची नेमणूक करण्यात आलीय. कास पठाराच्या दोन्ही बाजूला प्रशस्त पार्किंग व्यवस्था करण्यात आलीय.

हेही वाचा: Delhi : राजपथ नव्हे, आता 'कर्तव्यपथ'; नाव बदलण्याच्या प्रस्तावाला NDMC कडून मंजुरी

कास पठाराची जिल्हाधिकाऱ्यांकडून पाहणी

सातारा जिल्ह्याची शान असलेल्या कास पठाराची आज सातारा जिल्हाधिकाऱ्यांनी विविध विभागाच्या अधिकाऱ्यांसमवेत भेट देऊन पाहणी केली. येणाऱ्या काही दिवसांत हे कास पठार आता फुलांनी बहरु लागणार असल्यामुळं हा दौरा करण्यात आला. या दौऱ्यात जिल्हाधिकारी रुचेश जयवंशी (Collector Ruchesh Jaivanshi) यांच्यासह जिल्हा पोलिस प्रमुख अजयकुमार बन्सल, पर्यटनमंत्र्यांचे स्वीय सहाय्य गौतम पठारे, उपप्रादेशीक परिवहन विभागाचे वरिष्ठ, सह्याद्री व्याघ्र प्रकल्पाचे अधिकारी, वन विभागाचे अधिकारी, परिवहन महामंडळाचे अधिकारी इत्यादी विभागाचे अधिकारी उपस्थित होते.

Kaas Plateau Flowering Season

Kaas Plateau Flowering Season

हेही वाचा: माफी मागणार नाही म्हणत 'आप'च्या नेत्यानं पत्रकार परिषदेतच फाडली उपराज्यपालांची नोटीस

फुलांच्या बहराचा मनसोक्त आनंद घेता येणार

कास पठारावर सद्यस्थितीत गेंद, सीतेची आसवे, सोनकी, चवर यासह अनेक प्रजातींची फुले पाहण्याचा आनंद घेता येणार आहे. येत्या एक ते दोन दिवसात फुलांचे गालीचे तयार होतील असा अंदाज व्यक्त करण्यात आला आहे. त्यामुळं कास पठारावर फुले पाहण्यासाठी येणाऱ्या पर्यटकांना आता कास पठारावरील फुलांच्या बहराचा मनसोक्त आनंद घेता येणार आहे.

Web Title: Good News For Tourists Flowering Season In Kaas Plateau Starts From 10th September Online Booking

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..