Travel Diaries : उन्हाळ्यात फिरण्यासाठी ऋषिकेशजवळची 'ही' ऑफबीट ठिकाणे आहेत बेस्ट, बजेटमध्ये ट्रीप करा प्लॅन

Travel Diaries : उत्तराखंड हे राज्य पर्यटनासाठी लोकप्रिय आहे. येथील विविध हिलस्टेशन्स पर्यटकांना नेहमीच भुरळ घालतात.
Travel Diaries
Travel Diariesesakal

Travel Diaries : सध्या देशातील अनेक भागांमध्ये उकाडा प्रचंड वाढला आहे. मे महिन्यामध्ये तर उष्णतेची तीव्रता अधिक वाढते. त्यामुळे, या दिवसांमध्ये जर तुम्हाला उकाड्यापासून दूर कुठेतरी फिरायला जायचे असेल तर हा लेख शेवटपर्यंत वाचा.

कारण, आज आम्ही तुम्हाला उन्हाळ्याच्या सुट्टीत फिरायला जाण्यासाठी बेस्ट असलेल्या उत्तराखंड राज्यातील काही ठिकाणांबद्दल सांगणार आहोत. उत्तराखंड हे राज्य पर्यटनासाठी लोकप्रिय आहे. येथील विविध हिलस्टेशन्स पर्यटकांना नेहमीच भुरळ घालतात.

उन्हाळ्यात थंड आणि आल्हाददायक वातावरणात फिरायला जाण्यासाठी उत्तराखंड हा उत्तम पर्याय आहे. उत्तराखंड राज्यात स्थित असलेले ऋषिकेश हे ठिकाण पर्यटनासाठी लोकप्रिय आहे. आज आम्ही तुम्हाला ऋषीकेशजवळील काही सुंदर ठिकाणांबद्दल सांगणार आहोत. चला तर मग जाणून घेऊयात या ठिकाणांबद्दल.

Travel Diaries
South India Travel : उन्हाळ्यातही करू शकता दक्षिण भारताची सफर; जाणून घ्या 'ही' थंड हवेची ठिकाणं

कानातल

उत्तराखंड राज्यातील सुप्रसिद्ध पर्यटनस्थळांमध्ये मसुरी, ऋषिकेश, नैनिताल, मुक्तेश्वर किंवा अल्मोडा इत्यादी ठिकाणांचा समावेश आहे. परंतु, उन्हाळ्यात या ठिकाणी पर्यटकांची प्रचंड गर्दी असते. कानातल हे ऋषिकेशजवळील एक प्रसिद्ध हिल स्टेशन आहे.

या ठिकाणी निसर्गाचा सुंदर नजारा पहायला मिळतो. शिवाय, या ठिकाणी गर्दी ही कमी असते. उंच पर्वत, हिरवीगार जंगले आणि देवदारची झाडे कानातलच्या सौंदर्यात आणखी भर घालतात.

देवरिया ताल

देवरिया ताल हे ठिकाण उत्तराखंडच्या रूद्रप्रयाग जिल्ह्यात स्थित आहे. हे एक लोकप्रिय ठिकाण असून या ठिकाणी सुंदर तलाव आणि घनदाट जंगल आहे. जर तुम्हाला ट्रेकिंगची आवड असेल तर हे ठिकाण तुमच्यासाठी बेस्ट आहे.

उन्हाळ्यातील उकाड्यापासून आराम मिळवण्यासाठी हे उत्तम ठिकाण आहे. या तलावासोबतच, तुम्ही या परिसरातील त्रियुगीनारायण मंदिर, चोपटा, तुंगनाथ इत्यादी ठिकाणे देखील पाहू शकता.

डोडीताल

डोडीताल हे ठिकाण उत्तराखंड राज्यात स्थित आहे. उत्तराखंड राज्यातील उत्तरकाशी जिल्ह्यात हा डोडीताल नावाचा सुंदर तलाव आहे. ऋषिकेशपासून हे ठिकाण सुमारे ९० किमी आहे. हा तलाव पाहिल्यानंतर तुम्हाला नैनितालची आठवण येईल, यात काही शंका नाही.

विशेष म्हणजे या ठिकाणाला पौराणिक महत्व आहे. याच ठिकाणी श्रीगणेशाचा जन्म झाला असे, मानले जाते. त्यामुळे, या ठिकाणाला गणेशताल असे ही म्हटले जाते. येथील थंड वातावरणात तुम्हाला निवांत वेळ घालवता येईल, शिवाय ट्रेकिंग ही करता येईल.

Travel Diaries
Travel Tips : सोलो ट्रॅव्हलिंगला जाण्याचा विचार करताय? मग, ‘या’ चुका करणे टाळा

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com