Chimpanzee and Man Video: व्यक्तीच्या हाताने पाणी प्यायला अन् हात धुवून दिले; चिंपाझीचा भावनिक व्हिडिओ

प्राण्यांना माणसांच्या भावना कळतात असं आपण अनेकदा म्हणतो. पाळीव प्राण्यांच्या हालचालीतून त्यांच्या भावनेची उकल अनेकदा होत असते. त्यांच्या चेहऱ्यावरूनही भाव कळत असतात. पण समोरच्या व्यक्तीच्या मनातलं प्रेम प्राण्यांना कळतं. सध्या असाच एक व्हिडिओ व्हायरल झाला आहे.

एका जंगलात चिंपाझी व्यक्तीच्या हाताने पाणी पिताना दिसत आहे. चिंपाझी त्याच्या हाताला धरून त्याच्या ओंजळीतून पाणी घेऊन पितो, पाणी पिऊन झाल्यानंतर त्याच्या हातावर आपल्या हाताने पाणी ओतून धुवून काढतो. "प्राण्यांनाही मानवाचं प्रेम समजतं फक्त प्रेम करणारा पाहिजे." असं कॅप्शन टाकून हा व्हिडिओ सोशल मीडियावर शेअर करण्यात आला आहे.

दरम्यान, इंस्टाग्रामवर पोस्ट करण्यात आलेला हा व्हिडिओ पाहून आपणही भावनिक व्हाल. zindagii.gulzar.ha या इंस्टाग्राम पेजवरून व्हिडिओ शेअर करण्यात आला असून या व्हिडिओला नेटकऱ्यांनी चांगलीच पसंती दिली आहे. तर अनेकांनी यावर आपल्या भावनिक प्रतिक्रिया व्यक्त केल्या आहेत. प्राण्यात माणुसकी शिल्लक आहे पण मानवात नाही अशा संतप्त प्रतिक्रिया काही जणांनी व्यक्त केल्या आहेत.