Video Viral : आयव! हरणानं राम कृष्ण हरी ऐकलं अन् उड्या मारायला लागलं

सध्या सोशल मीडियावर हरणाचा एक व्हिडिओ व्हायरल झाला असून त्यामध्ये ते राम कृष्ण हरीच्या गजरात तल्लीन झाल्याचं पाहायला मिळत आहे. एका गावात हरिपाठ सुरू असताना एक हरणाचं पिल्लू त्या ठिकाणी आलं आणि राम कृष्ण हरीच्या गजरावर उड्या मारू लागलं आहे.

हा व्हिडिओ सध्या सोशल मीडियावर चांगलाच व्हायरल झाला आहे. वारकरी सांप्रदायातील मुलं हरिपाठ सुरू असताना ज्या प्रकारे पावल्या खेळत आहेत. ते पाहून हरणाचं पिल्लूसुद्धा त्यांचं अनुकरण करू लागल्याचं दिसत आहे. तर ते भान हरपल्यासारखं उड्या मारताना दिसत आहे.

दरम्यान, या व्हिडिओमध्ये विजय वडेट्टीवार यांची मुलगी महाराष्ट्र प्रदेश युवक काँग्रेसच्या सरचिटणीस शिवानी वडेट्टीवार हरिपाठामध्ये पावल्या खेळत आहेत. त्यासुद्धा डान्स करणाऱ्या हरिणाचा आनंद घेत आहेत. त्यांनी आपल्या अधिकृत ट्वीटर अकाउंटवरून हा व्हिडिओ शेअर केला आहे.

या व्हिडिओर अनेकांनी आपल्या कमेंट केल्या असून मोठ्या प्रमाणावर हा व्हिडिओ शेअर केला आहे. "राम कृष्ण हरी, हरिपाठामध्ये तल्लीन झालेले हरणाचं पिल्लू, मुक्या प्राण्यांनासुद्धा टाळ मृदंगाचा आवाज अनुभवता येतो" अशा प्रकारच्या कमेंट नेटकऱ्यांनी केल्या आहेत.