मुंबईतील दहिसर भागात भाजप आणि शिंदे गटाच्या कार्यकर्त्यांमध्ये जबर हाणामारी झाली असल्याची माहिती असून त्यामध्ये भाजपचा एक कार्यकर्ता गंभीर जखमी झाला आहे. त्यामुळे आता चर्चेला उधाण आलं आहे. सत्तेत एकत्र असलेल्या कार्यकर्त्यांमध्ये हाणामारी झाल्यामुळे आता सोशल मीडियावरही चर्चा सुरू झाली आहे.
दरम्यान, दहिसर येथे शिंदे गटाच्या आमदाराचे बॅनर काढून भाजप कार्यकर्त्यांचे बॅनर लावल्यावरून हा वाद झाला आहे. या वादाचे रूपांत नंतर तुंबळ हाणामारीत झाले. लोखंडी रॉड आणि बांबूच्या काठीने कार्यकर्त्यांनी एकमेकांना मारहाण केली आहे. या घटनेचा व्हिडिओ सध्या व्हायरल झाला असून अनेकांनी हा व्हिडिओ सोशल मीडियावर शेअर केला आहे.
दरम्यान, एकनाथ शिंदे आणि भाजप युतीचं सरकार सध्या सत्तेत आहे. तर या युतीच्या कार्यकर्त्यांमध्येच हाणामारी झाल्यामुळे मोठा वाद निर्माण होण्याची शक्यता आहे. याआधीसुद्धा भाजपसोबत गेल्यामुळे शिंदे गटाचे आमदार नाराज असल्याच्या चर्चा सोशल मीडिया झाल्या होत्या. तर विरोधी पक्षातील नेत्यांकडूनही मध्यावधी निवडणुका लागणार असल्याचा दावा केला होता.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.