जळत असलेली सिगारेट खड्ड्यात टाकली अन् क्षणात झाला भीषण स्फोट; अंगावर काटा आणणारा Video Viral

सोशल मीडियावर व्हायरल होणारे काही व्हिडिओ खूप भयानक असतात. रोजच्या आयुष्यात कधी काय होईल याचा अंदाज आपल्याला येत नाही पण सोशल मीडियाच्या माध्यमातून अनेक गोष्टींचा उलगडा होत असतो. सध्या असाच एक व्हिडिओ सोशल मीडियावर व्हायरल झाला आहे. त्यामध्ये एक व्यक्ती जळत असलेल्या सिगारेटचा तुकडा एका छिद्रामध्ये टाकतो आणि त्यानंतर मोठा स्फोट झाल्याची धक्कादायक घटना घडते.

सदर व्हिडिओवरील तारखेवरून हा व्हिडिओ २०१७ सालचा असल्याची माहिती आहे. पण हा व्यक्ती रस्त्याने येत असताना मध्येच थांबतो आणि रस्त्यावर असलेल्या एका छोट्या छिद्रामध्ये सिगारेटचा उरलेला जळत असलेला तुकडा टाकतो. त्यानंतर दोन सेकंदाच्या आतमध्ये स्फोट झाल्याचं दिसत आहे. या स्फोटामध्ये आजूबाजूची जमीनसुद्धा उखडली आहे.

दरम्यान, या दुर्घटनेमध्ये सदर व्यक्ती चांगलाच जखमी झाला असून स्फोटानंतर तो सरपटतच बाजूला जाताना दिसत आहे. तर अशा अनोळखी छिद्रामध्ये पेटती सिगारेट टाकल्यावर काय होऊ शकतं याचा अंदाज हा व्हिडिओ पाहून आल्याशिवाय राहणार नाही. "धुम्रपान करू नये, जळत असेलली सिगारेट कुठेही टाकू नये" असं कॅप्शन टाकून हा व्हिडिओ ट्वीटरवर शेअर करण्यात आला आहे.