Viral Video : मित्रासाठी कायपण! केकसाठी केली चोरी, बेकरीतच केलं सेलिब्रेशन; घटना CCTV मध्ये कैद

बर्थ डे म्हंटले की सेलीब्रेशन आलचं, त्यानिमित्ताने जंगी पार्ट्या देखील तुम्ही पाहिल्या असतील, पण सध्या चोरट्यांचे बर्थ डे सेलीब्रेशन चर्चेत आहे. या चोरट्यांनी बेकरीमध्ये डल्ला टाकला खरा पण बेकरीच्या शॉपमध्ये बर्थडे साजरा केला आहे. ही घटना सीसीटीव्ही कॅमेऱ्यात कैद झाली असून यामध्ये ते एकमेकांच्या तोंडावर केक फेकून मारताना दिसत आहे.

अधिक माहितीनुसार, आसामच्या जोरहटमध्ये मित्राच्या बर्थ डे दोघांनी बेकरीत चोरी केली आणि तिथेत एकमेकांच्या अंगावर केक फेकत सेलीब्रेशन केलं. ही संपूर्ण घटना सीसीटीव्हीमध्ये कैद झाली आहे. यानंतर पोलीसांनी या दोघांना ताब्यात घेतलं असून त्यांच्यावर कारवाई केली जात आहे.

दरम्यान, या चोरट्यांनी सेल्फीसुद्धा काढली असून त्यांच्या सेल्फीचे हे फोटो सोशल मीडियावर चांगलेच व्हायरल झाले आहेत. चोरी करतान सीसीटीव्ही कॅमेऱ्यामध्ये त्यांचे चेहरे दिसत असल्यामुळे पोलिसांना चोरट्यांचा शोध घेणे सोपे गेले आहे.