Viral Video : आनंदाला वयाचं बंधन नसतं! नातीचं लग्न अन् डोक्यार पदर घेत आजीबाईंचा गावरान डान्स

घरातल्या एखाद्या व्यक्तीचं लग्न म्हणजे त्या कुटुंबासाठी सर्वांत आनंदाचा दिवस असतो. लग्नामध्ये पाहुणेमंडळी, मित्रमैत्रिणी यांच्यासोबत डान्स म्हणजे पर्वणीच. सध्या एक व्हिडिओ व्हायरल होत असून त्यामध्ये एक महिला आपल्या नातीच्या लग्नामध्ये भन्नाट डान्स करताना दिसत आहे. हा व्हिडिओ सोशल मीडियावर चांगलाच शेअर केला जात आहे.

व्हायरल होत असलेल्या व्हिडिओमध्ये एक आजीबाई डान्स करत आहे. ही लग्नाची वरात आहे. डान्स करत असलेल्या आजीबाईच्या नातीचं लग्न असल्याचं सांगण्यात येत आहे. तर मुलींच्या ग्रुपमध्ये आजीबाईंनी केलेला डान्स पाहून आपणही थक्क व्हाल. विशेष म्हणजे पूर्ण डान्समध्ये आजीबाईंच्या डोक्यावरील पदर खाली पडला नाही. पदर खाली पडला आणि आजीने आपला डान्स थांबवला.

दरम्यान, व्हिडिओवर नेटकऱ्यांनी आपल्या प्रतिक्रिया व्यक्त केल्या आहेत. "नाचताना आजीच्या डोक्यावरचा पदर खाली पडला नाही. ज्या वेळी पडला त्यावेळीं नचायच्या थांबल्या. याला म्हणतात संस्कार. जे आजच्या पिढीमध्ये दिसत नाही."