उत्तेजक, असभ्य, हाफ पँट, बर्मुडाधारींना मंदिरात प्रवेश नाही; पोस्टरची सोशल मीडियावर चर्चा | Viral Poster

सोशल मीडियावर सध्या एक पोस्टर व्हायरल होत आहे. हे पोस्टर एका मंदिराबाहेर लावलेलं असून पोस्टरवरील नियम आणि अटी वाचून तुम्हालाही धक्का बसेल. अशा अटी आपण पहिल्यांदाच पाहत असाल. या पोस्टरवर अनेकांनी आपल्या प्रतिक्रिया व्यक्त केल्या आहेत.

दरम्यान, हे पोस्टर मंगळग्रह मंदिर अमळनेर जि. जळगांव येथील असल्याचं सांगण्यात येत आहे. "अंगप्रदर्शन, उत्तेजक, असभ्य, अशोभनीय वस्त्रधारी तसेच हाफ पँट, बर्मुडाधारींना मंदिरात प्रवेश नाही. कृपया भारतीय संस्कृती आणि सभ्यतेचे भान ठेवा" असं पोस्टर या मंदिराबाहेर लावण्यात आलं आहे. या व्हायरल पोस्टवर अनेकांनी वेगवेगळ्या प्रतिक्रिया व्यक्त केल्या आहेत.

दरम्यान, अनेक नेटकऱ्यांनी या पोस्टरच्या संदर्भात कमेंट केल्या असून, "दुसऱ्या धर्माच्या परंपरा चालतात... मग हिंदू परंपरा का पोटात दुखतात?? फक्त मंदिरात येताना हिंदू परंपरेनुसार यावे एवढंच लिहलं तर त्रास व्हायचं कारण काय?" असं मत अनेकांनी व्यक्त केलं आहे.