IAS टीना डाबीची बहिण रियानं गुपचूप केलं लग्न, लग्नासाठी IPS जोडीदाराची निवड

Riya Dabi Marriage News : राजस्थान कॅडरची IAS अधिकारी व IAS टीना डाबीची बहिण रिया डाबी हिने IPS ऑफिसरशी लग्नगाठ बांधली आहे. रियाचे लग्न महाराष्ट्र केडरचे आयपीएस मनीष कुमार यांच्याशी झाले आहे. केंद्रीय गृहमंत्रालयाने जारी केलेल्या नोटीसमध्ये आयपीएस मनीष कुमार यांचे कॅडर महाराष्ट्रातून राजस्थानमध्ये बदललण्याचे कारण त्यांचे रिया डाबीशी लग्न असल्याचे नमूद करण्यात आले आहे. नोटिफिकेशन आणि दोघांचे एकत्र फोटो समोर आल्यानंतर सोशल मीडियावर सर्वत्र रिया डाबीचे अभिनंदन होत आहे.

मैत्री बदलली प्रेमात

IAS रिया डाबी आणि IPS मनीष कुमार दोघेही UPSC-2021 बॅचचे आहेत. दोघेही आधी मित्र होते, कालांतराने दोघांच्या मैत्रीचे रुपांतर प्रेमात झाले. दोघांनीही याच वर्षी एप्रिलमध्ये लग्न केले. घरच्यांच्या मान्यतेनंतर दोघांनी परस्पर संमतीने कोर्ट मॅरेज केल्याचे बोलले जात आहे. विवाहाच्या आधारावर, नियमांनुसार, मनीषने कॅडर बदलासाठी अर्ज केला होता, जो केंद्रीय गृह मंत्रालयाने स्वीकारला आणि 16 जून रोजी कॅडर बदलाची अधिसूचना जारी केली. (Wedding)

रिया डाबी ही टीना डाबीची बहिण आहे

रिया डाबी ही 2015 UPSC टॉपर टीना डाबीची धाकटी बहीण आहे. टीना डाबी ही सध्या जैसलमेर जिल्ह्याची जिल्हाधिकारी आहे. रिया डाबी ही २०२१ च्या बॅचची आयएएस अधिकारी आहे. रिया सध्या अलवरमध्ये कार्यरत आहे. दोन्ही बहिणी सोशल मीडियावर खूप सक्रिय आहेत.

टीना डाबीच्या दुसऱ्या लग्नाचा पहिला फोटो रियाने तिच्या सोशल मीडिया अकाउंटवर शेअर केला होता. आयएएस टीना डाबीचा पहिला प्रेमविवाह 2018 मध्ये 2015 बॅचचा दुसरा टॉपर अतहर आमिर खानसोबत होता. मात्र त्यांचे लग्न दोन वर्षांहून अधिक काळ टिकले नाही आणि जयपूरच्या फॅमिली कोर्टमध्ये 2020 मध्ये दोघांनी परस्पर संमतीने घटस्फोट घेतला.