Indian Army : झोपलेले सैनिक अन् वरून बर्फाचा थर; Video पाहून थरकाप उडेल

भारतीय सैनिक भारताच्या सीमेचं रक्षण करत असतात. सीमेपलीकडून कोणतेही हल्ले होऊ नयेत यासाठी ते कायम तत्पर असतात. ऊन, वारा, पाऊस काहीही असले तरी भारतीय सैनिक आपल्या जीवाची बाजी लावून सीमेचं रक्षण करतात आणि देशाच्या जनतेला सुखी ठेवतात.

बर्फाळ प्रदेशातील बदलत्या वातावारणामुळे अनेक सैनिकांना आपल्या प्राणाची आहुती द्यावी लागते. असाच सैनिकांचा एक व्हिडिओ सध्या सोशल मीडियावर व्हायरल होत आहे. अभिनेता सोनू सूद याने आपल्या ट्वीटरवरून भारतीय सैनिकांचा व्हिडिओ पोस्ट केला आहे.

हेही वाचा - प्राचीन काळातली शस्त्रनिर्मिती कला....

सोनू सूद यांनी शेअर केलेल्या व्हिडिओमध्ये भारतीय सैनिक झोपलेले दिसत असून त्यांच्यावर बर्फ पडत आहे. हिमवादळामुळे या सैनिकांच्या अंगावर बर्फाचा थर जमा होताना या व्हिडिओमध्ये दिसत आहे. हा व्हिडिओ पाहून आपल्याही अंगावर शहारे येतील.

दरम्यान, सोनू सूद यांनी शेअर केलेल्या या व्हिडिओला सोशल मीडियावर पसंती मिळत असून अनेकांनी या व्हिडिओला लाईक केलं आहे. त्याचबरोबर आपल्या प्रतिक्रिया व्यक्त केल्या आहेत. माझ्या देशाचे सैनिक माझ्या देशाला महान बनवतात असं कॅप्शन सूद यांनी आपल्या व्हिडिओसाठी दिलं आहे.