Video Viral : सुसाट गाडीवर हात सोडले; मांडी घालून फोनवर बोलत बसला तरूण, थरारक व्हिडिओ

गाडी चालवताना स्टंट करणारे अनेक तरूण आपण पाहिले असतील. गाडीवर हात सोडून गाडी चालवणारे, झोपून गाडी चालवणारे, गाडीच्या सीटवर उभे राहून स्टंट करणाऱ्या तरूणांचे अनेक व्हिडिओ सोशल मीडियावर व्हायरल होत असतात. पण गाडी चालवताना हात सोडून मांडी घालणाऱ्या तरूणाचा व्हिडिओ समोर आला आहे.

व्हायरल होत असलेल्या व्हिडिओमध्ये एक व्यक्ती दुचाकीवर हात सोडून पाठीमागच्या सीटवर मांडी घालून बसला आहे. त्याचबरोबर तो फोनवरसुद्धा बोलत आहे. पण हे सुरू असताना गाडी सुसाट वेगाने धावत असल्याचंही यामध्ये दिसतंय. शेजारी जात असलेल्या चारचाकी गाडीमधील काही जणांनी हा व्हिडिओ शूट केला आहे.

दरम्यान, हायवेवर हा प्रकार सुरू असल्यामुळे या तरूणांना पोलीसांकडून कारवाई केली जाण्याची शक्यता आहे. तर अशा स्टंटबाजीमुळे अपघात होण्याची दाट शक्यता असते. त्यामुळे वाहन चालवताना काळजी घ्यायला पाहिजे. असे स्टंट जीवावरसुद्धा बेतू शकतात. हा व्हिडिओ अनेकांनी सोशल मीडियावर शेअर केला आहे.