Viral Video : पार्किंगवरून दोघांमध्ये वाद! व्यक्तीने काढली एअर गन अन्...

मुंबई : मुंबईमध्ये पार्किंगवरुन झालेल्या वादात एका व्यक्तीने एअर गनने समोरच्या व्यक्तीला धमकावल्याची घटना समोर आली आहे. या घटनेचा व्हिडिओ सध्या सोशल मीडियावर व्हायरल होत आहे. यामध्ये आपल्याला दोन गटाविरोधात झालेली झटापट पाहायला मिळेल. तर हा व्हिडिओ पाहून आपल्या अंगावर काटा येईल.

व्हायरल होत असलेल्या व्हिडिओमध्ये एका व्यक्तीच्या हातात एअर गन दिसत असून तो समोरच्या व्यक्तीला मारहाण करताना दिसत आहे. त्यानंतर एक महिला मध्यस्थी करत एअर गन असलेल्या व्यक्तीला मागे नेण्याचा प्रयत्न करते पण तो समोरच्याला शिव्या देताना दिसत आहे.

दरम्यान, या व्हायरल व्हिडिओनंतर मुंबई पोलिसांनी एअर गन दाखवून धमकी देणाऱ्याविरोधात गुन्हा दाखल करत अटक केली आहे. ही घटना मुंबईच्या अँटॉप हिल परिसरात घडली असल्याची माहिती पोलिसांकडून मिळाली आहे. सदर घटनेसंदर्भात अधिक तपास सुरू असल्याचं पोलिसांनी म्हटलं आहे.