Viral Video : माकडांपासून सावधान! पार्किंग केलेल्या ऑडीची केली तोडफोड

आपण कधी फिरायला गेलो की बऱ्याच ठिकाणी माकडांचा वावर आपल्याला पाहायला मिळतो. तर अनेकवेळा ही माकडं पर्यटकांना त्रास देतात. त्यामुळे अशा माकडांपासून सावधान राहिलं पाहिजे. तर एका महागड्या गाडीची तोडफोड करणाऱ्या माकडांचा व्हिडिओ सध्या व्हायरल होत आहे.

(Monkey Viral Video)

व्हायरल होत असलेल्या व्हिडिओमध्ये दोन माकडं एका ऑडी गाडीची नंबर प्लेट आणि वायफर तोडताना दिसत आहेत. त्याचबरोबर गाडीवर उड्या मारत तोडफोड करत आहेत. ही गाडी पार्किंगमध्ये आहे पण माकडांच्या उच्छादामुळे या गाडीचे मोठे नुकसान झाले आहे.

दरम्यान, युकेमधील वेस्ट मिडलँड सफारी पार्कमधील हा व्हिडिओ असल्याची माहिती समोर आली आहे. तर हा व्हिडिओ अनेकांनी शेअर केला असून अनेकांनी आपल्या प्रतिक्रिया व्यक्त केल्या आहेत. अशा उच्छादी माकडांपासून सावधान राहणे गरजेचे आहे, नाहीतर आपल्याही वस्तूंचे नुकसान होऊ शकते.