Love Sex Aur Dhokha : जरा हटके, जरा खास; विषय तुमच्या आमच्या 'दिल के पास', आज येतोय...

आपल्या प्रत्येकाच्या आयुष्यात वयाच्या प्रत्येक टप्प्यावर कधी ना कधी तरी ‘इमोशनल लोचा’ हा होतच असतो. अशाच ‘इमोशनल लोचा’वर गप्पा मारण्यासाठी सकाळ डिजिटल घेऊन आलंय नवा कोरा पॉडकास्ट - ‘लव्ह, सेक्स, और धोका’.

या नव्या पॉडकास्टमध्ये आपण उमलत्या वयातल्या भावना, भावनिक गुंतागुंत, नव्या पिढीच्या नातेसंबंधांच्या बदलत्या व्याख्या, या सगळ्याविषयी जाणून घेणार आहोत. शिवाय, लैंगिकता, किशोरवयातल्या शंका, प्रश्न या सगळ्यावर या पॉडकास्टच्या माध्यमातून हलक्या फुलक्या भाषेमध्ये गप्पा मारणार आहोत.

यामध्ये समुपदेकांसह त्या त्या विषयातले तज्ज्ञ मार्गदर्शनही करतील. भावभावना हाताळताना कोणती काळजी घ्यावी, भावनिक गुंतागुंत कशी सोडवावी अशा महत्त्वाच्या विषयांवर हे तज्ज्ञ किशोरवयीन तसंच तरुण मुलामुलींची मदत करतील. तसंच इतरांना नव्या पिढीच्या आणखी जवळ जाण्याचा, त्यांच्या मानसिक अवस्थांना समजून घेण्यास हा पॉडकास्ट मदत करेल.

हा पॉडकास्ट आपण Spotify सह सगळ्या डिजिटल प्लॅटफॉर्म्सवर ऐकू शकणार आहात. हा पॉडकास्ट तुम्हाला कसा वाटला? हे आम्हाला कमेंट करून नक्की कळवा. तसंच आणखी कोणकोणत्या विषयांवर तुम्हाला जाणून घ्यायला आवडेल, तेही आम्हाला सांगायला विसरू नका.