A man in Pune pulls a new Thar SUV using donkeys while drummers play dhol, creating a viral social media moment.
esakal
Pune Man Pulls Thar SUV with Donkeys Video Goes Viral : पुणं एक असं शहर आहे, जिथं दररोज नवनवीन आणि हटके काहीना काही घडल्याचं आपल्याला दिसतं. मग ते कोणत्या विषयासाठी संबंधित असू शकतं. आताही अशीच काहीशी वेगळी परंतु सगळ्यांचे लक्ष वेधून घेणारी अशी अन् चर्चेचा विषय ठरत असलेली घटना पुण्यात घडली आहे.
खरंतर आजकाल SUV थार या धाकड गाडीबाबत एक वेगळीच क्रेझ निर्माण झाल्याचं आपण पाहत असतो. रस्त्यावरील वाहनांमध्ये जर एखादी थार असेल तर ती अगदी उठून दिसते, शिवाय कित्येकजण अगदी वळून वळून ही गाडी पाहत असता. मात्र आता याच थारची अक्षरशा इज्जत काढणारी एक घटना पुण्यातून समोर आली आहे.
कारण, पुण्यातील एका व्यक्ती संतापाच्या भरात चक्क आपल्या लाखोंच्या थारच्या समोर गाढवं बांधून ती रस्त्याने ओढत नेली. वारंवार गाडीत तांत्रिक अडचणी उद्भवत असल्याने हा व्यक्ती प्रचंड हैराण झाला होता. अखेर त्याचा संयम संपला आणि त्याने मग या आजकाल ब्रॅण्ड ठरणाऱ्या थारच्या इज्जतीचा चक्क बँड वाजवायचं ठरवलं
संबंधित व्यक्ती डीलरच्या विरोधात आपला विरोध दर्शवण्यासाठी थारसमोर दोन गाढवं बांधली आणि मग रस्त्याने वाजवत वरातही काढली. तसंच या थारवर सह्याद्री मोटर्स गाढव आहे, त्यांच्याकडून कुठल्याही गाड्या घेऊ नका. हे लोकांची खराब गाड्या देऊन फसवणूक करत आहेत.असं लिहिलेलं बॅनरील लावलेलं होतं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
