Video : प्रवाशांनो सावधान! वंदे भारत एक्सप्रेसमध्ये निकृष्ट दर्जाचं जेवण, वड्यातून गळतंय तेल

आपण कित्येक वेळा ट्रेनने प्रवास केला असेल. तर ट्रेनने प्रवास करत असताना कित्येकदा जेवणसुद्धा केलं असेल. ट्रेनने प्रवास करत असताना दिलं जाणारं अन्न हे निकृष्ट दर्जाचं असतं हे आपण कित्येकदा ऐकलं असेल पण सध्या वंदे भारत एक्सप्रेसमधील एक व्हिडिओ सोशल मीडियावर व्हायरल झाला आहे.

हेही वाचा - रायगडमध्ये पर्यटनासाठी येतेय नवी संधी

वंदे भारत ट्रेनमध्ये दिल्या जाणाऱ्या अन्नामधून चक्क तेल निघताना या व्हिडिओत दिसत आहे. तर या अन्नाची किंमत भरमसाठ असल्याची तक्रार प्रवाशांकडून केली जात आहे. ग्राहकांना दिलेल्या वडा आणि समोशातून तेलं गळताना यामध्ये दिसत आहे. प्रवाशाने ट्वीटरवर यासंदर्भात पोस्ट केली आहे.

दरम्यान, प्रवाशांनी केलेल्या तक्रारीवर IRCTCने उत्तर दिलं असून यासंदर्भात चौकशी करण्याचे आदेश दिले आहेत असं म्हटलं आहे. तर अनेकांकडून यावर आपल्या प्रतिक्रिया व्यक्त केल्या जात आहेत. प्रवाशांनी ट्रेनने प्रवास करताना आपापले खाद्यपदार्थ सोबत न्यायला हवेत. त्याचबरोबर बाहेरचे अन्न खाणे टाळलं पाहिजे.