World Richest Beggar: मुंबईत राहतो जगातील सर्वात श्रीमंत भिकारी, महिन्याला 75 हजारांची कमाई, करोडोंची संपत्ती...

तुम्ही जगातील सर्वात श्रीमंत व्यक्ती, भारतातील सर्वात श्रीमंत व्यक्ती आणि आशियातील अब्जाधीश यांच्याबद्दल बरेच काही ऐकले असेल. त्यांच्याकडे अब्जावधींची संपत्ती असतेच, पण करोडोंची संपत्ती असलेला भिकारी तुम्ही कधी ऐकला आहे किंवा पाहिला आहे का? आज आम्ही अशाच एका भिकाऱ्याबद्दल सांगणार आहोत, जो जगातील सर्वात श्रीमंत भिकारी आहे आणि त्याची संपत्ती 2 कोटी नाही तर 7 कोटी रुपयांपेक्षा जास्त आहे.

सामान्यत: भिकारी हा शब्द पैशाची अडचण, अन्न खायला नसते, फाटलेले जुने कपडे आणि विस्कटलेले केस यासारख्या समस्यांशी झगडणाऱ्या लोकांशी संबंधित असतो. भीक मागणे हा काही लोकांचा व्यवसाय झाला असून त्यातून त्यांनी कोट्यवधी रुपयांची संपत्ती कमावली आहे.

जगातील सर्वात श्रीमंत भिकारी कोण आहे?

जगातील सर्वात श्रीमंत भिकारी भारतातील मुंबई शहरात राहतो. एका वृत्तवाहिनीच्या रिपोर्टनुसार, भरत जैन यांची जागतिक स्तरावर जगातील सर्वात श्रीमंत भिकारी म्हणून ओळख झाली आहे. तो मुंबईच्या रस्त्यावर भीक मागताना आढळतो. आर्थिक अडचणींमुळे त्यांना शिक्षण घेता आले नाही. तो विवाहित असून त्याच्या कुटुंबात पत्नी, दोन मुले, भाऊ आणि वडील आहेत.

भरत जैन दरमहा ६० हजारांहून अधिक कमावतात

भरतच्या दोन मुलांचे शालेय शिक्षण पूर्ण झाले आहे. मूळचे मुंबईचे असलेले भरत जैन यांची एकूण संपत्ती ७.५ कोटी रुपये ($१ दशलक्ष) आहे. भरत भीक मागून महिन्याला ६०,०००- ७५,००० रुपये कमावतो 

भरत जैनजवळ 1.2 कोटींचा आहे फ्लॅट

भरत जैन यांच्याकडे मुंबईत 1.2 कोटी रुपयांचा दोन बेडरूमचा फ्लॅट आहे आणि त्यांनी ठाण्यात दोन दुकाने बांधली आहेत, जिथून त्यांना 30,000 रुपये मासिक भाडे मिळते. भरत जैन अनेकदा छत्रपती शिवाजी टर्मिनस किंवा आझाद मैदान यांसारख्या प्रमुख ठिकाणी भीक मागताना दिसतात. एवढी संपत्ती असूनही मुंबईच्या रस्त्यावर भीक मागण्याचे काम भरत जैन करतात. भरत जैन 10 ते 12 तासांत दररोज 2,000 ते 2,500 रुपये गोळा करतात.

मुले कॉन्व्हेंट शाळेत शिकतात

त्यांच्या व्यवसायातून उत्पन्न असूनही, भरत जैन आणि त्यांचे कुटुंब परळमधील 1BHK डुप्लेक्स निवासस्थानात राहतात. त्यांची मुले कॉन्व्हेंट शाळेत शिकतात. याशिवाय कुटुंबातील इतर सदस्य स्टेशनरीचे दुकान चालवतात, जे उत्पन्नाचे आणखी एक साधन आहे. रिपोर्ट्सनुसार, त्याचे कुटुंबीय त्याला भीक मागणे बंद करण्याचा सल्ला देतात, परंतु तो ऐकत नाही.