Viral Video : तरूणीने पार्किंगमधील दुचाकींवर घातली कार; लोक म्हणाले, पापा की परी...

सोशल मीडियावर अनेक विनोदी व्हिडिओ व्हायरल होत असतात. सध्या असाच एका तरूणीचा व्हिडिओ व्हायरल झाला असून त्यामध्ये तीने पार्किंगमध्ये उभ्या असेलल्या सहा ते सात दुचाक्यांवर चारचाकी गाडी घातली आहे. हा व्हिडिओ सोशल मीडियावर चांगलाच धुमाकूळ घालत आहे.

व्हायरल होत असलेला व्हिडिओ हा उत्तरप्रदेश येथील कानपूर येथील आहे. UP 78 EZ 0551 असं सदर तरूणीच्या चारचाकी गाडीचा क्रमांक असून अपघातामध्ये सहा ते सात दुचाकींचे नुकसान झाले आहे. पण या तरुणीच्या चेहऱ्यावर कोणतीच अपराधाची भावना दिसत नाही.

दरम्यान, तरूणीना मागच्या बाजूने दुचाकींना धडक दिली असून चारचाकी गाडी दुचाकींवर चढल्याचं दिसत आहे. त्यानंतर ती चारचाकी गाडी पुढे घेते पण त्यामध्ये चारचाकी गाडीचे नुकसान होते. तिथे उपस्थित असलेले लोकंही या तरूणीला मदत करत आहेत.

व्हायरल होत असलेला व्हिडिओ नेटकऱ्यांनी चांगलाच शेअर केला असून त्यावर आपल्या प्रतिक्रिया व्यक्त केल्या आहेत. तर "ही पापा की परी आहे ती काहीही करू शकते" अशा विनोदी कमेंट नेटकऱ्यांनी केल्या आहेत. च्वींगम खाताना या तरूणीचा स्वॅग पाहून आपल्यालाही धक्का बसेल.