बसमध्ये तरूणी शेजारी बसून तरूणाने भर गर्दीत केलं हस्तमैथून; तरूणीचा Video Viral

कोची : केरळ राज्य मार्ग परिवहन महामंडळाच्या बसमधून प्रवास करताना एका व्यक्तीने महिलेच्या शेजारी बसून हस्तमैथून केल्याचा प्रकार घडला आहे. एर्नाकुलम येथून थ्रिशूर या मार्गावर ही घटना घडली आहे. यावेळी सदर व्यक्तीने शेजारच्या महिलेसोबत गैरवर्तनही केले असून सदर व्यक्तीला पोलिसांनी अटक केली आहे. ज्या तरूणीसोबत हा प्रकार घडला आहे त्या तरूणीचा व्हिडिओ सोशल मीडियावर व्हायरल झाला आहे.

अधिक माहितीनुसार, ही घटना एर्नाकुलम जिल्ह्यातील अथनी येथे घडली. या घटनेनंतर शेजारी असलेली महिला नंदिता संकारा हिने पोलिसांत तक्रार दिली असून दिलेल्या तक्रारीनुसार सावद शाह या 28 वर्षीय तरूणाला अटक करण्यात आली आहे. या तरूणाला 14 दिवसांची पोलीस कोठडी सुनावण्यात आली आहे.

नंदिता संकारा या पेशाने मॉडेल असलेल्या तरूणीने सोशल मीडियावर एक व्हिडिओ प्रसिद्ध केला आहे. या व्हिडिओमध्ये तिने सांगितलं आहे की, "मी बसने प्रवास करत असताना आरोपी माझ्या आणि एका महिलेच्या मध्ये येऊन बसला. त्यावेळी त्याच्या पँटची चैन उघडी होती. काही वेळानंतर त्याने पलीकडे बसलेल्या महिलेसोबत गैरवर्तन करायला सुरूवात केली."

"तिच्या शरीराला स्पर्श करण्याचा प्रयत्न केला. त्यानंतर ती महिला थोडी बाजूला सरकली. पण त्याने लगेच हस्तमैथून करण्यास सुरूवात केली. हे पाहून मी त्याच्यावर खूप रागावले होते. पण या महिलेने अलार्म वाजवल्यानंतर आरोपीने तेथून पळून जाण्याचा प्रयत्न केला. पण बस चालक आणि वाहकाने त्याला धरून ठेवले आणि काही वेळाने त्याला पोलिसांच्या ताब्यात दिले." असं तरूणीने आपल्या व्हिडिओमध्ये सांगितलं आहे. पोलिसांनी आरोपीवर गुन्हा दाखल केला असून न्यायालयाने १४ दिवसांची न्यायालयीन कोठडी सुनावली आहे.