नाशिक : नाशिक शहर-परिसरात अडकून असलेल्या परप्रांतियांना त्यांच्या गावी जायचे आहे. त्यांना जाण्यासाठी आरोग्य प्रमाणपत्र बंधनकारक करण्यात आलेले आहे. त्यासाठी या परप्रांतियांनी महापालिकेच्या आरोग्य विभागात धाव घेतली असता, त्यांनी जिल्हा रुग्णालयाकडे बोट दाखविले. त्यामुळे या परप्रांतियांनी जिल्हा रुग्णालयाकडे मोर्चा वळविला. मात्र, असे कोणतेही प्रमाणपत्र जिल्हा रुग्णालयातून नव्हे तर निवासीक्षेत्रातील प्रमाणित डॉक्‍टरचे प्रमाणपत्र जोडून जिल्हा प्रशासनाकडे अर्ज करण्याचा फलक त्याठिकाणी लावण्यात आलेला आहे. परंतु यासाऱ्या प्रकारात या परप्रांतियांना हेलपाटे मारावे लागत आहेत.
आरोग्याचे तंदुरुस्ती प्रमाणपत्र देणे बंधनकारक
गेल्या आठवड्यात नाशिक शहरातील निवाराशेडमध्ये असलेल्या उत्तरप्रदेश, मध्यप्रदेशातील परप्रांतियांना रेल्वेने रवाना करण्यात आले. तर, शहरात अडकून असलेल्या परप्रांतियांना त्यांच्या राज्यात जाण्यासाठी जिल्हा प्रशासनाकडे इ-पाससाठी ऑनलाईन अर्ज करण्यास सांगितले. त्यासाठी जे प्रवास करणार आहेत त्यांच्या आरोग्याचे तंदुरुस्ती प्रमाणपत्र देणे बंधनकारक करण्यात आलेले आहे. त्या प्रमाणपत्रासाठी शहरातील परप्रांतियांनी नाशिक महापालिकेच्या रुग्णालयांमध्ये धाव घेतली होती. परंतु, महापालिकेच्या आरोग्य विभागाच्या कर्मचाऱ्यांनी या परप्रांतियांना जिल्हा रुग्णालयाकडे सदरचे प्रमाणपत्र दिले जाईल, असे सांगितले. त्यामुळे या परप्रांतियांनी या प्रमाणपत्रासाठी आपला मोर्चा जिल्हा रुग्णालयाकडे वळविला. यामुळे जिल्हा रुग्णालयाच्या आवारात सकाळी मोठयाप्रमाणात गर्दी झाली होती.
जिल्हाधिकाऱ्यांच्या आदेशाची सूचना
जिल्हा रुग्णालयाकडे यासंदर्भात कोणत्याही सूचना जिल्हा प्रशासनाकडून देण्यात आलेल्या नव्हत्या. त्यासंदर्भात जिल्हा रुग्णालयाकडून जिल्हा प्रशासनाकडे याबाबत मार्गदर्शन मागितले होते. त्यावर, ज्यांना परराज्यात जायचे आहे, त्यांना शहरातील खासगी प्रमाणित असलेल्या डॉक्‍टरकडूनही असे तंदुरुस्तीचे आरोग्य प्रमाणपत्र घ्यावयाचे असून, तेच प्रमाणपत्र जिल्हा प्रशासनाकडे ऑनलाईन अर्ज करताना जोडावयाचे आहे. जिल्हाधिकाऱ्यांच्या आदेशाची सूचनाच जिल्हा रुग्णालयात लावण्यात आली आहे. मात्र तरीही परप्रांतियांचे हेलपाटे जिल्हा रुग्णालयात सुरूच आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.