तळीरामांसाठी गुड न्यूज...अटी-शर्तींवर मद्याच्या दुकानांसाठी परवाने मिळणार!

नाशिक : रांगेत उभे राहिल्यावर सोशल डिस्टन्सिंगसाठी सांगूनही तळीराम तयार नाहीत म्हटल्यावर पोलिसांकडून छडीचा प्रसाद, तर कायदा व सुव्यवस्थेचा प्रश्‍न निर्माण झाल्याने जिल्हाधिकाऱ्यांनी पुढील आदेशापर्यंत वाइन शॉप बंद ठेवण्याचा निर्णय घेतल्याने तळीरामांचा आनंद औटघटकेचा ठरला. पालकमंत्री छगन भुजबळ यांनी मंगळवारी (ता. 5) स्वतः जिल्हाधिकाऱ्यांशी चर्चा केली. प्रत्येक दुकानदाराकडून लेखी घेऊन परवाने मिळतील, असे स्पष्ट केल्याने तळीरामांना पुन्हा "गुड न्यूज' मिळाली आहे. 

मद्याच्या दुकानांसाठी परवाने मिळणार 

वाइन दुकानात गोंधळ झाला. त्याचा अनुभव राज्यात आला. त्यामुळे दुकाने बंद करावी लागली, असे सांगून श्री. भुजबळ म्हणाले, की शारीरिक अंतर पाळावे लागेल, मास्कचा वापर करावा लागेल, शांतता ठेवावी लागेल यासंबंधीचे लेखी दुकानदारांना द्यावे लागेल. बेशिस्तपणा केल्याने दुकान सुरू होणार नाही, हेही ध्यानात ठेवावे. मुळातच, आज ना उद्या अर्थात कधी ना कधी दुकाने सुरू होणार आहेत. त्यासाठी अटी- शर्ती लागू राहतील. मद्याची दुकाने सुरू करण्यासंबंधीची व्हिडिओ कॉन्फरन्सिंग, त्यासंबंधीचे धोरण निश्‍चिती यासाठी वेळ लागल्याने वाइन दुकाने सुरू करण्याचे आदेश दुपारी निघाले. मात्र ग्राहकांनी सकाळपासून रांगा लावल्या होत्या. त्यामुळे गोंधळ उडाला. आता यापुढे असे होऊ नये, याची काळजी घ्यावी लागणार आहे. 

रेड झोनमुळे नाही परवानगी 

भुजबळ नॉलेज सिटीतर्फे पंजाबमधून आलेल्या विद्यार्थ्यांना राज्यातील विविध भागामध्ये पोचविण्यासाठी बसगाड्या उपलब्ध करून देण्यात आल्या आहेत. या बसगाड्यांमधून राज्याच्या विविध भागातून विद्यार्थी नाशिकला परत येऊ शकतात. त्यासंबंधीची काही उपाययोजना केली आहे काय? या पत्रकारांच्या प्रश्‍नाला उत्तर देताना श्री. भुजबळ यांनी, नाशिक रेड झोनमध्ये असल्याने बसगाड्यांमधून नाशिकला कुणाला येता येणार नाही, असे जिल्हाधिकाऱ्यांनी स्पष्ट केल्याचे सांगितले. आपत्ती व्यवस्थापनाचे नियम पाळावे लागतील, असेही त्यांनी म्हटले आहे. 

हेही वाचा > "चहापाणी घ्या पण आम्हाला जाऊ द्या साहेब! कारमधील चौघांनी दाखवले पोलीसांना आमिष..अन् झाला मोठा खुलासा

मालेगावकरांनी घ्यावेत उपचार 

मालेगावमधील कोरोनाबाधितांचा आकडा वाढतो आहे. त्याबद्दल विचारलेल्या प्रश्‍नाला उत्तर देताना श्री. भुजबळ म्हणाले, की मालेगावकरांनी सहकार्य करायला हवे. मालेगावकर घरी राहतात; पण रुग्णालयात येत नाहीत. रुग्णालयात येऊन बरे होणार नाही, असा समज अनेकांमध्ये आहे. पण घरच्या घरी बरे होऊ, अशी भावना असलेले मालेगावकर घरी उपचार घेतात की नाही, हे माहिती नाही.  

हेही वाचा > पोल्ट्री फार्मवर सकाळी गेलेला युवक रात्री परतलाच नाही..भावाने फार्मच्या फटीतून पाहिले तर धक्काच!