धक्कादायक! पीपीई किटसाठी काम करणाऱ्या कंपनीतच चक्क कोरोनाचा शिरकाव..

नाशिक / लखमापूर : औदयोगिक वसाहतीतील (MIDC)येथील एका कंपनीतील 44 अधिकारी व कर्मचाऱ्यांचे अहवाल पॉझिटिव्ह आले. यानंतर ग्रामपंचायतीसह जिल्हा प्रशासनाने कंपनीला खबरदारीच्या सूचना दिल्या आहेत. विशेष म्हणजे दिंडोरी तालुक्यात औषधे बनवणाऱ्या अनेक कंपन्या असून यातीलच ही एक कंपनी आहे. ही कंपनी कोरोना पीपीई किट बाबतही काम करते.

अत्यावश्यक सेवा असल्यामुळे काम सुरु ठेवले होते

दिंडोरी-पालखेड औदयोगिक वसाहतीतील (MIDC)येथील एका कंपनीतील ४४ अधिकारी व कर्मचाऱ्यांचे अहवाल पॉझिटिव्ह आल्याने कंपनी बंद करण्यात आली आहे. पालखेड ग्रामपंचायतीसह जिल्हा प्रशासनाने कंपनीला खबरदारीच्या सूचना दिल्या आहेत. पहिल्या कडक लॉकडाऊनमध्ये कंपनीने अत्यावश्यक सेवा असल्यामुळे काम सुरु ठेवले होते. या कंपनीत आता ४४ अधिकारी व कर्मचारी पॉझिटिव्ह आल्याचे वृत्त प्रशासनाला देण्यात आले आहे. रुग्ण आढळून आल्यानंतर आता ही कंपनी बंद करण्याचे पत्र पालखेड ग्रामपंचायतीने दिले आहेत.

हेही वाचा > रक्ताच्या थारोळ्यात 'तो' वेदनेने विव्हळत होता...पण माणुसकी हरली..वाचा काय घडले

ग्रामपंचायतीकडून कंपनी बंद करण्याचे पत्र 

दिंडोरी तालुक्यात औषधे बनवणाऱ्या अनेक कंपन्या असून यातीलच ही एक कंपनी आहे. सदर कंपनी कोरोना पीपीई किट बाबतही काम करते. कंपनीने हलगर्जीपणा केल्यामुळे कोरोनाचा फैलाव झाल्याचा आरोप पालखेड ग्रामस्थांनी केला आहे. तर सामान्य नागरिकांकडून गुन्हा घडल्यास आपत्ती निवारण कायद्यानुसार गुन्हे दाखल करणारे शासन दिंडोरी तालुक्यात करोनाच्या पार्श्वभूमीवर किती कंपनी व्यवस्थापनावर कारवाई करते याकडे सर्वसामान्यांचे लक्ष लागून आहे.

हेही वाचा > दुर्दैवी! घरात सॅनिटायझरचा उडाला भडका.. महिला पेटली ..सॅनिटायझेशन करताना हादरवणारी घटना

रिपोर्ट - संदीप मोगल

संपादन - ज्योती देवरे