रक्ताच्या थारोळ्यात 'तो' वेदनेने विव्हळत होता...पण माणुसकी हरली..वाचा काय घडले

accident on road.jpg
accident on road.jpg

नाशिक : (अंबासन) शनिवारी (ता. २५) रात्रीच्या सुमारास वाहनाच्या धडकेत गंभीर जखमी होऊन एका दुचाकीस्वाराचा मृत्यू झाल्याची घटना घडली आहे. कमलेश मगरे असं अपघातात मृत्यू झालेल्या व्यक्तीचे नाव आहे. या दुर्देवी घटनेमुळे परिसरात दु:ख व्यक्त केले जात आहे.

अशी आहे घटना

शनिवारी (ता. २५) रात्री साडेआठच्या सुमारास कमलेश प्रकाश मगरे (वय ३५, रा. चिलाणे, ता. शिंदखेडा, धुळे) हे दुचाकी (एमएच १८, एई ४३०६)ने नामपूरहून साक्रीकडे जात असताना वरचे टेंभे (ता. बागलाण) गावाजवळील वळण रस्त्याच्या पुढे साक्रीहून भरधाव येणाऱ्या अज्ञात वाहनाने त्यांना जोरदार धडक देऊन पोबारा केला. यात कमलेश यास गंभीर दुखापत झाली. स्थानिक पोलिसपाटील वर्षा वाघ यांनी अपघाताची माहिती जायखेडा पोलिस ठाण्यात दिली असता, हवालदार जे. एल. महाजन, पोलिस कॉन्स्टेबल राजेंद्र वाघ, उमेश भदाणे यांनी घटनास्थळी दाखल होत तातडीने गंभीर जखमी कमलेशला नामपूर येथील ग्रामीण रुग्णालयात दाखल केले. 

अज्ञात वाहनाचा शोध सुरु

अपघातात कमलेश यांना जबर मार लागल्याने रक्तस्त्राव अधिक झाला. वैद्यकीय अधिकाऱ्यांनी तपासणी करून त्यांना मृत घोषित केले. ग्रामीण रुग्णालयात विच्छेदन करून मृतदेह नातेवाइकांच्या ताब्यात दिला. जायखेडा पोलिस ठाण्यात अपघाताचा गुन्हा दाखल केला आहे. पोलिसांकडून तातडीने रस्त्यावरील ठिकठिकाणी असलेल्या सीसीटीव्ही कॅमेऱ्याच्या माध्यमातून अज्ञात वाहनाचा शोध घेतला जात आहे. 

(संपादन - किशोरी वाघ)

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com