भीषण अपघात.. दुचाकीला ट्रॅक्टरची जबरदस्त धडक..दुचाकीस्वार जागीच ठार 

नाशिक / वणी :  वणी - नाशिक रस्त्यावर वनविभागाच्या कृष्णगांवाजवळील विश्राम समोर ट्रॅक्टरने दुचाकीला पाठीमागुन धडक दिल्याने अपघातात दुचाकीस्वार जागीच ठार झाला आहे. तसेच त्याच्या सोबत असलेली तरुणी गंभीर जखमी झाले आहेत.

भीषण अपघात

वणी - नाशिक रस्त्यावर (ता.७) सकाळी अकरा वाजेच्या दरम्यान वनविभागाच्या विश्रामगृहासमोर वणीहून विटांनी भरलेला ट्रॅक्टर हा कृष्णगांवच्या दिशेने जात असतांना नाशिकच्या दिशेने जाणारी दुचाकी क्रमांक (एम एच 15 एफ सी 4259) पाठीमागुन जबरदस्त धडक दिली. यात दुचाकीवरील चिंतामण सावळीराम गायकवाड, वय 25 रा. म्हैस खडक (उंबरठाण) ता. सुरगाणा यांच्या डोक्याला गंभीर मार लागल्याने जागीच ठार झाले. तर दुचाकीवरील राधा वाघमारे, वय १९ रा. आंबाठा, ता. सुरगाणा ही तरुणी ही गंभीर जखमी झाली.

हेही वाचा >प्रेरणादायी..! पत्नी खंबीर.. बेरोजगार व्यावसायिक पतीला दिली अशी साथ...संसाराचा केला स्वर्ग!​

जखमीस वणी ग्रामीण रूग्णालयात उपचार

जखमीस वणी ग्रामीण रूग्णालयात उपचार करण्यात आले. त्यांची परिस्थिती चिंताजनक असल्याने अधिक उपचारासाठी नाशिकला हलविण्यात आले आहे. याबाबत वणी  पोलीस ठाण्यात अपघाताचा गुन्हा दाखल करण्यात आला आहे.

हेही वाचा > संतापजनक! "...तर गौरव आज आमच्यात असला असता.."आरोप करत नातेवाईकांनी फोडला हंबरडा..आरोग्य केंद्राची तोडफोड