ह्रदयद्रावक! शेवटी आईच 'ती'...मुलाला मृत्यूच्या दाढेत कशी सोडणार?...अन् अखेर

नाशिक : धोडंबे (ता. चांदवड) येथे दुपारी चारच्या सुमारास हृदयद्रावक घटना घडली. वय अवघे सहा वर्षे...आईचा लाडका...हट्ट करुन आईसोबत शेतात गेला. खेळता-खेळता आईच्या नजरेसमोरुन दूर झाला अन् जेव्हा जोरात आवाज झाला तेव्हा मात्र आईच्या काळजाचा ठोकाच चुकला...आईच ती शेवटी, मुलाला असं मृत्यूच्या दाढेत कशी सोडणार...लेकराला वाचवायला गेलेल्या माऊलीचाही मुलाबरोरच असा दुर्देवी अंत...सविस्तर घटना अशी की... 

अशी आहे घटना

सविता महेंद्र रकिबे (वय 38) व त्यांचा मुलगा अनिकेत (वय 6) अशी मृत मायलेकाची नावे आहेत. धोडंबे (ता. चांदवड) येथे शुक्रवारी (ता. 22) दुपारी चारच्या सुमारास ही हृदयद्रावक घटना घडली. शेततळ्यात सोडलेले मासे पाहताना पाय घसरून शेततळ्यात पडलेल्या चिमुकल्याला वाचविण्याच्या प्रयत्नात त्याच्या आईचाही तळ्यात पडल्याने मृत्यू झाला. दुपारी अनिकेत शेततळ्यात सोडलेले मासे पाहात उभा असताना अचानक पाय घसरल्याने तो तळ्यात पडला. त्यावेळी शेजारीच शेतात काम करत असलेल्या सविता यांच्या लक्षात येताच त्या क्षणाचाही विलंब न लावता पोटच्या गोळ्याला वाचविण्यासाठी तळ्यात उतरल्या. मात्र, पोहता येत नसल्याने दोघांचाही पाण्यात बुडून मृत्यू झाला. 

हेही वाचा > चोरीछुपी शहरात 'त्या' कुटुंबीयांची एंट्री...रस्त्याच्या कडेलाच काढली रात्र...पण नंतर जे घडलं ते थक्क करणारंच

नुकताच इयत्ता पहिलीतून दुसरीत गेलेला अनिकेत हा सर्वांचा लाडका, हुशार व मनमिळाऊ स्वभावाचा होता. शाळेतही सर्व शिक्षकांचा लाडका होता. त्यामुळे मायलेकाच्या एकाच वेळी जाण्याने परिसरात हळहळ व्यक्त होत आहे.  

हेही वाचा > ज्यांच्यासाठी चौकी बांधली 'त्या' पोलिसांनीच चौकी तोडली??...नागरिकांना आश्‍चर्याचा धक्काच