मध्यरात्री लोकवस्तीत आठ फुटी 'अजगर' दिसतो तेव्हा? नागरिकांची पळापळ

नाशिक : (सातपूर) जंगलात अजगर दिसणे यात काही विशेष नाही. मात्र हेच अजगर जर लोकवस्तीत दिसले तर? सातपुरजवळील महादेववाडीतील नाल्यालगत रस्त्यावर सुमारे साडेसातफुटी अजगर शनिवारी (ता. 5) मध्यरात्रीच्या सुमारास आढळून आला. त्यानंतर परिसरात चांगलीच खळबळ उडाली.

अशी आहे घटना

शनिवारी (ता. 5) मध्यरात्रीच्या सुमारास सातपुरजवळील महादेववाडीतील नाल्यालगत रस्त्यावर तब्बल आठ फुटी अजगर दिसून आला. महादेववाडीमधील नाल्यापासून काही अंतरावर एका अपार्टमेंटच्याबाहेर लोकवस्तीजवळ अजगर वेटोळे घालून निपचित बसलेला होता. यावेळी नागरिकांना भला मोठा साप दिसल्याने त्यांचा थरकापच उडाला. त्यांनी तत्काळ वनविभागाशी संपर्क साधून माहिती दिली. वनविभागाच्या रात्रीच्या गस्तीपथकाला माहिती मिळताच तत्काळ पथकाने घटनास्थळ गाठले. घटनेची माहिती मिळताच वनपाल मधुकर गोसावी, अनिल अहिरराव, जगदीश अमलोक, प्रवीण राठोड, वन्यजीवप्रेमी वैभव भोगले, सर्पमित्र विजय स्वामी यांनी धाव घेतली. रात्री बारा वाजेच्या सुमारास अजगरला सुरक्षित रेस्क्यू करुन त्र्यंबकेश्वरच्या एका जंगलात सोडण्यात आले.

हेही वाचा > आटला माणुसकीचा पाझर! मरणानंतरही 'त्यांच्या' मरण यातना संपल्याच नाही; वाचा काय घडले?

यापुर्वी कधीच लोकवस्तीत अशाप्रकारचा अजगर न दिसल्याने नागरिक चांगलेच घाबरले. बिनविषारी असला तरीही अजगराविषयी जनसामान्यांमध्ये विविध गैरसमजुती आहेत. भारतीय अजगराची लांबी कमाल १८ फूट तर किमान १२ फूटापर्यंत असू शकते, असे वन्यजीवप्रेमी वैभव भोगले म्हणाले.  

हेही वाचा > धक्कादायक! भर रस्त्यात दुचाकीने केले ओव्हरटेक; अन् वाहनचालकाला काही कळायच्या आतच