नाशिक : कोरोनाच्या प्रभावामुळे सगळीकडे जमावबंदीसदृश परिस्थिती असताना धार्मिक पूजाविधी कोरोनाच्या प्रभावापासूनच दूरच आहे. त्र्यंबकेश्‍वरला सुटीमुळे नारायण नागबळीसह विविध धार्मिक कार्यक्रमांसाठी भाविकांची गर्दी कायम होती.
धार्मिक तीर्थस्थळांवरील गर्दीचा अपवाद
नाशिकला रामकुंडावर गोदावरीची दुरवस्था असूनही नदीच्या दूषित पाण्यात पूजाविधीला गर्दी झाली. कोरोनाच्या नियंत्रणासाठी सगळीकडे प्रतिबंधात्मक उपायोजनांचे फास घट्ट होत आहेत. शाळा- महाविद्यालयांना सुट्या जाहीर झाल्या आहेत. मॉल, चित्रपटगृहांसह तरण तलाव बंद आहेत. सार्वजनिक यात्रोत्सवासह सार्वजनिक कार्यक्रमातील गर्दी कमी झाली आहे. प्रतिबंधात्मक उपाययोजनांमुळे सगळीकडे गर्दी रोडावली आहे. एसटीतील गर्दी रोडवत असताना धार्मिक तीर्थस्थळांवरील गर्दीचा अपवाद ठरत आहे. धार्मिक कार्यक्रमाला सुट्यांमुळे गर्दी वाढत आहे. त्र्यंबकेश्‍वर येथील धार्मिक पूजाविधी आणि नाशिकला रामकुंडावरील पूजाविधीसाठी गर्दी झाली आहे.
त्र्यंबकला भाविकांचा ओढा
त्रिपिंडी व नारायण नागबळीसह पूजाविधीसाठी भाविकांनी त्र्यंबक गाठले. नाशिकहून त्र्यंबकेश्‍वरला जाणाऱ्या एसटीला तुलनेने चांगली गर्दी होती. त्र्यंबकेश्‍वरला पूजाविधी घाटांवर कोरोनाच्या प्रादुर्भावाची अजिबात भीती दिसली नाही. जे चित्र त्र्यंबकेश्‍वरला होते, तेच चित्र नाशिकला पंचवटीतील रामकुंडावर होते. रामकुंडावर दशक्रिया विधीसाठी दूरून लोक येतात. उन्हाळ्यात गोदावरीत पाणी नसल्याने पाणी दूषित झाले आहे. नदीला गटारीचे स्वरूप आलेले असतानाही लोकांची गर्दी कमी झाली नाही. सकाळपासूनच पूजाविधीसाठी गर्दीचा ओघ कायम होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.