नांदगाव हत्याकांड अपडेट्स : मालेगाव पोलीसांपुढे तपासाचे आव्हान; घटनास्थळी झुंबड

नाशिक / नांदगाव : मालेगाव तालुक्यातील जेउर रस्त्याच्या लगत कुटुंबातील पती-पत्नी व दोघा लहान मुलांची निर्घूण हत्या करण्यात आली आहे. या हत्याकांडामुळे मालेगाव - नांदगाव तालुका हादरला आहे. मालेगाव पोलीसांपुढे या हत्याकांडाच्या तपासाचे आव्हान आहे.

कुटुंबीय रक्ताच्या थारोळ्यात
समाधान आण्णा चव्हाण( ३७) भरताबाई चव्हाण  (३२) गणेश समाधान (६)आरोही समाधान चव्हाण( ४) अशा एकाच कुटुंबातील ही हत्या करण्यात आल्याने अख्खा तालुका हादरला आहे. पहाटेच रिक्षा चालक समाधान चव्हाण त्याची पत्नी मुलगा मुलगी रक्ताच्या थारोळ्यात दिसले. यामुळे नागरिकांमध्ये भितीचे वातावरण निर्माण झाले आहे, पोलीस घटनास्थळी पोहचले असून याचा अधिक तपास करत आहेत.

हेही वाचा > ब्रेकिंग : नांदगाव हादरले...एकाच कुटुंबातील सर्वांची निघृण हत्या; मोठी खळबळ

घटनेची माहिती देऊनही उशीरा पोहचली पोलीस

सकाळी साडेसातला कळवूनही पोलीस पोहचले नसल्याचे तेथील सरपंचाचे पती व शिक्षक नेते संजय चव्हाण यांनी सांगितले. मालेगाव तालुक्यातील हद्दीतील घटना तपास मालेगाव तालुका ग्रामिणकडे असून आता पोलीसांसमोर आव्हान आहे. हत्या झालेले कुटुंबीय सर्व वाखारी ता. नांदगाव चे रहिवाशी असून जेऊर शिवारात मळ्यातल्या वस्तीवर ते राहत होते.

मालेगाव पोलीसांपुढे तपासाचे आव्हान...घटनास्थळी झुंबड.. 

दरोडेखोर की मनोविकृत ? अशी चर्चा सध्या आहे. सर्वसाधारण कुटुंबातील चौघे रात्री मळ्यातल्या घरातल्या ओसरीत झोपलेले होते. रक्ताच्या थारोळ्यात चौघांचे मृतदेह आढळून आल्यानै मोठी खळबळ उडाली. समाधान रिक्षा चालवित असे पण लाँकडाऊनमुळे तोही घरीच होता. बायको भरताबाई मोलमजूरी करीत असे.

हेही वाचा : दुर्दैवी! खर्च करूनही हाती काहीच नाही; विवंचनेने ग्रासलेल्या शेतकऱ्याची अखेर हिम्मत सुटलीच

रिपोर्ट - भारत देवरे

संपादन - ज्योती देवरे