साखरपुड्याला गेले अन्‌ नवरीच घेऊन परतले..!

नाशिक/ नांदूरमध्यमेश्‍वर : ना लग्नपत्रिका, ना वरमाईचा मानपान, ना बॅन्डबाजा, ना फेटे... लग्नकार्यातील या सर्व अनावश्‍यक खर्चाला फाटा देत वधू-वर पक्षाला लग्नात मोठा खर्च करता येणे शक्‍य असताना दोन्ही परिवार, वधू-वराच्या आग्रहाने साध्या पद्धतीने लग्न उरकून घेण्याचा प्रस्ताव मध्यस्थांनी मांडताच शुभम व रोहिणीच्या सातजन्माच्या गाठी बांधल्या गेल्या. 

लग्नाच्या पुढील तयारीची चर्चा सुरू असताच...

नांदूरमध्यमेश्‍वर (ता. निफाड) येथील द्राक्ष बागायतदार रावसाहेब शिंदे यांचा मुलगा शुभम आणि भवरी (ता. नांदगाव) येथील जिभाऊ हिरे यांची मुलगी रोहिणी यांची वधू-वर पसंती होऊन साखरपुडा पार पडला. त्याचवेळी नातेवाईक व मध्यस्थी मंडळी जमा झाली आणि लग्नाच्या पुढील तयारीची चर्चा सुरू असताच माजी जिल्हा परिषद सदस्य हरिश्‍चंद्र भवर यांनी अनावश्‍यक खर्चाला फाटा देत हे लग्न आताच उरकून घ्यावे, असा प्रस्ताव मांडताच शिंदे व हिरे यांच्यासह वधू आणि वराने देखील होकार दिला.

हेही वाचा > हृदयद्रावक! रक्ताच्या थारोळ्यात असूनही "माऊलीची" बाळाची घट्ट मिठी सुटली नव्हती...अखेर..

त्यानंतर अवघ्या काही वेळेतच ना मानपान, ना रुसवे-फुगवे, शिवाय साधेपणाने भवरीत शिंदे-हिरे विवाह सोहळा पार पडला. साखरपुड्याला गेलेले शिंदे परिवार नवरी घेऊनच नांदूरमध्यमेश्‍वरला आल्याने गावात अनेकांना सुखद धक्का बसला. 

हेही वाचा > धक्कादायक! खेळणाऱ्या चिमुकलीचा आवाज अचानक शांत झाला..आईने पाहिले तेव्हा तिचे पाय टबमध्ये होते...