किळसवाणा प्रकार! एका पित्याच्या डोळ्यादेखत मुलीसोबत बळजबरी ...अत्यंत दुर्दैव 

नाशिक : संशयित हा दारुच्या नशेत आणि हातात कोयता घेऊन गेल्या बुधवारी (ता.3) रात्री आठ वाजेच्या सुमारास पीडितेच्या घरास घुसला. मुलीचे वडील घरात असताना, मला तुमच्या मुलीशी बोलायचे आहे असे म्हणून बळजबरीने तिचा हात पकडून ओढू लागला. त्यावेळी पीडित मुलीने नकार दिला आणि त्याने पित्यासमोरच केला धक्कादायक प्रकार..

असा घडला धक्कादायक प्रकार

उमेश मधुकर मते (30, रा. चंद्रलक्ष्मी सोसायटी, राहुलनगर, पवारवाडी, जुना सायखेडा रोड, नाशिकरोड) असे संशयिताचे नाव आहे. पीडितेच्या पित्याच्या फिर्यादीनुसार, संशयित उमेश मते हा दारुच्या नशेत आणि हातात कोयता घेऊन गेल्या बुधवारी (ता.3) रात्री आठ वाजेच्या सुमारास पीडितेच्या घरास घुसला. पीडित मुलीचे वडील घरात असताना, मला तुमच्या मुलीशी बोलायचे आहे असे म्हणून बळजबरीने तिचा हात पकडून ओढू लागला. त्यावेळी पीडित मुलीने नकार दिला तर तिच्या पित्याने तुझा काय संबंध असा जाब विचारला. त्यावेळी संशयिताने त्यांच्या पीडित मुलीचा विनयभंग करीत तिच्या वडिलांना मारहाण केली.

हेही वाचा > ह्रदयद्रावक! "निसर्गा'ने केली आई-मुलाची ताटातूट...रात्रभर बछडा आईची वाट बघत होता

गुन्हा दाखल

उपनगर परिसरातील ओमनगरमध्ये बळजबरीने घरातून घुसून संशयिताने पित्यासमोर पीडित मुलीचा विनयभंग केल्याची घटना घडली.याप्रकरणी उपनगर पोलिसात संशयिताविरोधात मारहाण, विनयभंग आणि शस्त्रबंदी आदेशाचे उल्लंघन केल्याप्रकरणी गुन्हा दाखल करण्यात आला असून तपास उपनिरीक्षक व्ही. लोंढे करीत आहेत. 

हेही वाचा > "पैसे नाही दिले..तर अंगावर थुंकून कोरोनाबाधित करेन..."अजब धमकीने त्याच्या पायाखालची सरकली जमीन!