जायचे होते किर्तनाला!...पण, वाटेत 'त्याने' अडवलं...अन्

नाशिक : कोठुरे (ता. निफाड) दिवसेंदिवस त्याची दहशत वाढत चालल्याने कोठुरे येथील नागरिकांत भीतीचे वातावरण निर्माण झाले आहे. शुक्रवारी असाच प्रकार घडल्याचे समोर आले. दुचाकीद्वारे कीर्तनासाठी जात असलेल्या दांपत्यावर बिबट्याने चढवलेल्या हल्ल्या त महिला गंभीर जखमी झाल्याची घटना घडली. 

असा आहे प्रकार

शुक्रवारी (ता.21) रात्री नऊच्या सुमारास बाळासाहेब मोगल दुचाकीने पत्नी मंदाबाई (वय 54) यांच्यासह कीर्तनासाठी जात होते. कोठुरे फाट्यापासून एक किलोमीटरवर रस्त्या लगत दडून बसलेल्या बिबट्याने त्यांच्यावर अचानक हल्ला चढवला. यात मंदाबाई गंभीर जखमी झाल्या. त्यांना उपचारासाठी आधी निफाडला आणि नंतर नाशिक येथे हलविण्यात आले. दरम्यान, कोठुरे फाटा परिसरात वन विभागातर्फे पिंजरा लावण्यात येणार असल्याचे वनाधिकारी संजय भंडारे यांनी सांगितले. कोठुरे परिसरात बिबट्याची प्रचंड दहशत आहे. यापूर्वीदेखील अशा घटना या भागात घडल्या आहेत. त्यामुळे वन विभागाने तातडीने बिबट्यांचा बंदोबस्त करावा, अशी मागणी होत आहे. 

हेही वाचा > VIDEO : बिनपगारी ज्ञानदान करणाऱ्या 'शिक्षकांसाठी' चक्क पुरस्कार!

हा संपूर्ण परिसर उसाचा आहे. गेल्या काही वर्षात या भागात बिबट्यांची संख्या वाढली आहे. त्यामुळे बिबट्यांच्या हल्ल्यांचे प्रकार सातत्याने घडत आहेत. बिबट्यांच्या धास्तीने शेती करणेदेखील अवघड बनले आहे. - ऍड. विजय मोगल, कोठुरे  

हेही वाचा > काळापुढे आईचे प्रयत्नही हरले!...ह्रदयद्रावक घटना

हेही वाचा > पैजेच्या नादात जीवाभावाच्या मित्रांची कायमचीच ताटातूट..! धक्कादायक घटना