धक्कादायक! सैन्य दलात रुजू होण्याचे स्वप्न भंगले; पाच जणांना बसला ३० लाखांचा फटका

नाशिक / सिडको : पाच युवकांची एका व्यक्तीशी ओळख होती. तो एका सैन्य प्रशिक्षण केंद्रात होता. सैन्य दलात जागा निघाल्या आहेत, असे सांगून त्याने ओळखीच्या नांदेड जिल्ह्यातील दीपक थोरात याच्याशी ओळख असल्याचे सांगितले. पण त्यानंतर जे घडले ते धक्कादायक होते.

असा घडला प्रकार

सिडको परिसरातील रहिवासी उमेश बागले, सुनील थोरात, संतोष पवार, सचिन बोडके व विशाल वानखेडे या युवकांची रतन पुनवटकर (रा. राळेगाव, यवतमाळ) यांच्याशी ओळख होती. तो एका सैन्य प्रशिक्षण केंद्रात होता. सैन्य दलात जागा निघाल्या आहेत, असे सांगून त्याने ओळखीच्या नांदेड जिल्ह्यातील दीपक थोरात याच्याशी ओळख असल्याचे सांगितले. त्याच्याशी भेट घालून दिल्यानंतर देवळाली येथे अभियांत्रिकी विभागात भरती करून देत असल्याचे भासविले. या कामासाठी प्रत्येकाकडून धनादेशाद्वारे चार लाख, तर दोन लाख रोख असे प्रत्येकी सहा लाख रुपये घेतले. हैदराबाद सैन्य दलाचे नियुक्तीपत्र तयार करून देवळाली येथील कार्यालयाचा पत्ता दिला. हे नियुक्तीपत्र देवळाली कॅम्प येथील अधिकाऱ्यांना दाखविले असता ते बनावट असून, आपली फसणूक झाल्याचे त्यांच्या लक्षात आले.

हेही वाचा > शिवप्रेमींत हळहळ; शिवप्रेमी रितेशची किल्ल्यावरील 'ती' सेल्फी शेवटची ठरली, काय घडले?

तीस लाखांची फसवणूक

सैन्य दलात नोकरी लावून देण्याचे आमिष दाखवून वेळोवेळी पैसे उकळून पाच जणांची देवळाली कॅम्प येथे रुजू होण्याचे बनावट नियुक्तीपत्र देत सुमारे तीस लाखांची फसवणूक झाली. या प्रकरणी अंबड पोलिसांत तक्रार दाखल करण्यात आली आहे.

हेही वाचा > अचानक सायरनचा तो धडकी भरविणारा आवाज..नागरिकांत घबराट अन् सुटकेचा निश्वास! काय घडले नेमके?

संपादन : रमेश चौधरी