नाशिक : (मालेगाव) येथील फार्मसी कॉलेज भागातील मिल्लत मदरसाजवळ क्‍यूबा मेडिकल येथे गुंडांच्या टोळक्‍यातील एकाने केलेल्या गोळीबारात मोहम्मद इस्तियाक कलिम अहेमद ऊर्फ इसाक काल्या (वय 34) हा गुंड गंभीर जखमी झाला. तत्पूर्वी दहशतीसाठी दुचाकीवरून आलेल्या वीसहून अधिक गुंडांनी मच्छीबाजार भागातील नुरी टॉवर येथे हवेत गोळीबार केला. शुक्रवारी (ता. 20) सुटीच्या दिवशी सायंकाळी पावणेसहा ते साडेसहाच्या सुमारास घडलेल्या या दोन घटनांनी शहरात खळबळ उडाली आहे.
अशी आहे घटना
पूर्ववैमनस्यातून, बदला घेण्याबरोबरच दहशतीसाठी व टोळीयुद्धातून हा प्रकार घडल्याचे समोर येत आहे. गेल्या दोन महिन्यांत येथे गोळीबाराचा हा पाचवा प्रकार आहे. गेल्या महिन्यात महेशनगर भागात माजी नगरसेवक रिजवान खान यांच्या घरावर अंदाधुंद गोळीबार झाला होता. शुक्रवारी गोळीबारात जखमी झालेल्या इसाक काल्याला येथील खासगी रुग्णालयात दाखल करण्यात आले. त्याच्या पाठीवर गोळी लागली आहे. त्याची क्ष-किरण तपासणी करण्यात आली. मिल्लत मदरसा व नुरी टॉवर येथे गोळीबार करणारे गुंडांचे टोळके एकच असल्याचे समजते. नुरी टॉवर भागात दुचाकीवर आलेल्या या गुंडांजवळ काठ्या, बेसबॉल व हॉकी स्टिक असल्याचे काहींनी सांगितले. पोलिसांना घटनास्थळी बेसबॉलच्या स्टिक्‍स मिळून आल्या. नुरी टॉवरजवळ हवेत फायरिंग केल्यानंतर हे टोळके फार्मसी कॉलेजच्या रस्त्याने मिल्लत मदरशाकडे गेले. तेथील क्‍यूबा मेडिकलजवळ त्यांनी इसाक काल्यावर गोळीबार केला.
गोळीबारातील जखमी इसाक काल्या हा गुंड देशीदादाच्या खून प्रकरणातील संशयित आहे. काही महिन्यांपूर्वीच तो तुरुंगातून बाहेर आला होता. त्यातच हा गोळीबार झाल्याने हे विरोधी टोळीचे कृत्य असल्याचा संशय आहे. पोलिसांनी मच्छीबाजार भागासह शहरातील बंदोबस्तात वाढ केली आहे.
घटनेचे वृत्त समजताच अपर पोलिस अधीक्षक संदीप घुगे, उपअधीक्षक रत्नाकर नवले, पोलिस निरीक्षक रवींद्र देशमुख, गुलाबराव पाटील, खगेंद्र टेंभेकर आदींसह सहकाऱ्यांनी घटनास्थळी भेट दिली. पोलिसांनी या मार्गावरील सीसी टीव्ही फुटेज तपासण्यास सुरवात केली आहे. रात्री उशिरापर्यंत गुन्हा दाखल करण्याचे काम सुरू होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.