निर्दयी मातेनेच रचला पोटच्या गोळ्याला संपविण्याचा कट; अंगावर काटा आणणारा संतापजनक प्रकार उघड

योगेश मोरे
Monday, 4 January 2021

जन्म देणारी जननीच आपल्या पोटच्या गोळ्याची वैरिण कशी असू शकते हा प्रश्न अनेकांच्या मनात संताप आणत आहे. केवळ स्वत:च्या स्वार्थासाठी ज्या लेकराला आपल्या उदरात नऊ महिने वाढवून कळा सोसून जन्म दिला. त्याचाच कर्दनकाळ ही माता बनली आहे. आडगाव परिसरात हा संतापजनक प्रकार उघडकीस आला आहे.

म्हसरूळ(जि.नाशिक) : जन्म देणारी जननीच आपल्या पोटच्या गोळ्याची वैरिण कशी असू शकते हा प्रश्न अनेकांच्या मनात संताप आणत आहे. केवळ स्वत:च्या स्वार्थासाठी ज्या लेकराला आपल्या उदरात नऊ महिने वाढवून कळा सोसून जन्म दिला. त्याचाच कर्दनकाळ ही माता बनली आहे. आडगाव परिसरात हा संतापजनक प्रकार उघडकीस आला आहे.

निर्दयी मातेनेच रचला पोटच्या गोळ्याला संपविण्याचा कट

गेल्या २१ डिसेंबरला घराबाहेर खेळताना पडल्याने जखमी झालेल्या नांदूर नाका येथील सातवर्षीय मुलास त्याच्या आईने जिल्हा रुग्णालयात दाखल केले होते. डॉक्टरांनी तपासून त्यास मृत घोषित केले होते. त्यानुसार आडगाव पोलिस ठाण्यात अकस्मात मृत्यूची नोंद करण्यात आली. मात्र पोलिसांच्या चौकशीत हा संतापजनक प्रकार उघड झाला आहे. संशयित सोमनाथ ऊर्फ योगेश वसंत कुऱ्हाडे (वय २२, रा. साईनगर, नांदूरगाव) याचे एका २४ वर्षीय महिलेसोबत अनैतिक संबंध आहेत. तिला पहिल्या पतीपासून झालेल्या मुलाचा सांभाळ करावा लागेल व तो अनैतिक संबंधात अडसर निर्माण होत असल्याने सोमनाथ हा त्या मुलास नेहमी कमरेच्या बेल्टने व लाथाबुक्क्यांनी मारहाण करीत असे. २१ डिसेंबरला रात्री साडेनऊच्या सुमारास त्याने या मुलास राहत्या घराच्या भिंतीवर डोके जोरात आपटले. दुसऱ्या दिवशी (ता. २२) सकाळी मुलाच्या आईने त्याला जखमी अवस्थेत चुकीचे नाव सांगून जिल्हा रुग्णालयात दाखल केले होते.

हेही वाचा> दिव्यांग पित्याचे मुलाला अभियंता बनविण्याचे डोळस स्वप्न; कॅलेन्डर विक्रीतून जमवताय पै पै, असाही संघर्ष

चौकशी केली असता, खरा प्रकार समोर आला.

त्या वेळी तिने सर्व प्रकार माहीत असतानाही वैद्यकीय अधिकाऱ्यांना खोटी माहिती दिली होती. विशेष म्हणजे पोटचा मुलगा मृत झाल्यानंतरही मृतदेह ताब्यात न घेता ती पळून गेली. त्यामुळे संशय बळावल्याने पोलिसांनी अधिक चौकशी केली असता, खरा प्रकार समोर आला. या प्रकरणी आडगाव पोलिसांत दोघांविरुद्ध खुनाचा गुन्हा दाखल झाला असून, दोघांना अटक करण्यात आली आहे. वरिष्ठ पोलिस निरीक्षक इरफान शेख तपास करीत आहेत.  

हेही वाचा> गॅस गिझर भडक्यात बाथरूममध्ये तरुणाचा गुदमरून मृत्यू; नववर्षाच्या पहिल्याच दिवशी पाटील कुटुंबात आक्रोश

बालकाचा खून करून फरारी प्रियकर-प्रेयसीला अटक 

अनैतिक संबंधांमध्ये अडसर ठरणाऱ्या सातवर्षीय बालकाची हत्या करून फरारी झालेला नराधम प्रियकर व त्यास मदत करणाऱ्या निर्दयी मातेस आडगाव पोलिसांनी जेरबंद केले आहे. आडगाव परिसरात हा संतापजनक प्रकार उघडकीस आला आहे.


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: mother arrested for murdering child nashik marathi news