मोठी बातमी : नाशिक महापालिकेचे आयुक्तही आता हाय कॉन्टॅक्ट रिस्कवर...हे आहे कारण

नाशिक : महापालिकेच्या आयुक्तांच्या मार्गदर्शनाखाली अधिकारी व कर्मचारी जीव धोक्यात घालून कर्तव्य निभावताना दिसतात. संबंधित अधिकारी, कर्मचारी सुरक्षीततेची काळजी घेत असले तरीही त्यांच्या संपर्कात पॉझिटिव्ह पेशंट कधी येतील याची शाश्वती कोणीही देऊ शकत नाही. त्यामुळे आता कोरोना योध्देच जर पॉझिटिव्ह आढळायला लागले तर आरोग्य सेवा कोणाच्या भरोशावर चालणार असा प्रश्न यानिमित्ताने उपस्थित होत आहे.

आयुक्तही हाय रिस्क कॉन्टॅक्टमध्ये

महापालिकेच्या आयुक्त राधाकृष्ण गमे यांचे स्वीय सचिव पॉझिटिव्ह आल्याने एकच खळबळ उडाली आहे. हे स्वीय सचिव आयुक्तांच्या संपर्कात असल्याने आयुक्तांनाही हाय रिस्क कॉन्टॅक्टमध्ये समावेश झाल्याचे खात्रीलायक सूत्रांकडून समजते. याशिवाय आरोग्य वैद्यकीय अधिकारी यांनाही हाय रिस्क कॉन्टॅक्टमध्ये समावेश झाला असल्याचे कळते. तसेच डॉ. झाकिर हुसेन रुग्णालयात दोन दिवसात तब्बल दहा कर्मचारी पॉझिटिव्ह आढळून आलेत.

आयुक्तांची आरोग्य सेवकांशीही चर्चा
डॉ. झाकिर हुसेन रुग्णालयाची पाहणी मंगळवारी (दि. २३) आयुक्तांनी केली. यावेळी त्यांनी रुग्णांशी संवाद साधला. तसेच आरोग्य सेवकांशीही चर्चा केली. नेमके मंगळवारीच या रुग्णालयातील आरोग्य सेवक पॉझिटिव्ह आढळून आले. त्यातील किती कर्मचारी आयुक्तांच्या संपर्कात आलेत याविषयी देखील तपास सुरु असल्याचे कळते. मात्र या दौर्‍यामुळे आयुक्तांचा समावेश हाय रिस्क कॉन्टॅक्टमध्ये निश्चित झाल्याचे बोलले जाते.

अधिक सजगतेने कार्यरत रहावे लागणार

नाशिक महापालिकेचे आयुक्त राधाकृष्ण गमे यांच्या मार्गदर्शनाखाली अधिकारी व कर्मचारी जीव धोक्यात घालून कर्तव्य निभावताना दिसतात. संबंधित अधिकारी, कर्मचारी सुरक्षीततेची काळजी घेत असले तरीही त्यांच्या संपर्कात पॉझिटिव्ह पेशंट कधी येतील याची शाश्वती कोणीही देऊ शकत नाही. त्यातच आयुक्त राधाकृष्ण गमे यांचे स्वीय सचिव पॉझिटिव्ह आढळल्याचे विश्वसनीय सूत्रांकडून समजते. त्यामुळे आता आयुक्तांचा समावेश हाय रिस्क कॉन्टॅक्ट असलेल्यांच्या यादीत झाला आहे. आयुक्तांचे स्वीय सचिव अलिकडे कोणाकोणाच्या संपर्कात आले, ते बैठकांना उपस्थित होते काय याचाही आता तपास घेतला जात आहे. याशिवाय आरोग्य वैद्यकीय अधिकारी डॉ. राजेंद्र त्र्यंबके हे देखील हाय रिस्क कॉन्टॅक्टमध्ये असल्याचे समजते. त्यामुळे आता महापालिकेतील उर्वरित अधिकारी व कर्मचार्‍यांना अधिक सजगतेने कार्यरत रहावे लागणार आहे.

हेही वाचा > धक्कादायक! लहान भावाने मोठ्या भावाच्या डोक्यात घातला दगड..जागीच ठार...कारण वाचून व्हाल थक्क..

महासभेत होणार चर्चा
करोना नियंत्रणासाठी पुढील नियोजन करण्यासाठी येत्या २५ जूनला महापालिकेची ऑनलाईन महासभा होणार आहे. यात करोना संदर्भातील उपाययोजना आणि लॉकडाऊन या विषयावर चर्चा होणार आहे. त्यापूर्वीच आता महापालिकेतील अधिकारी व कर्मचार्‍यांचे रिपोर्ट पॉझिटिव्ह येऊ लागल्याने या महासभेला अधिक महत्व आले आहे. या महासभेत शहराशी संबंधित ठोस निर्णय घ्यावेत, अशी मागणी आता पुढे येत आहे.

हेही वाचा > अंत्यविधीची सुरू होती तयारी...अन् 'ती' एक बातमी येताच सगळ्यांनाच फुटला घाम..