सलग तिसऱ्या दिवशी नाशिककर गारठले! हंगमातील निच्चांकी तापमानाची नोंद 

नाशिक :  जिल्ह्यासह शहरात गेल्या काही दिवसांपासून पारा घसरला आहे. रविवारपासून जोरदार थंड वारे वाहू लागल्याने वातावरणातील गारठा वाढल्याचा अनुभव नाशिककर घेत आहेत. आज ८.२ इतके तापमान नोंदविले गेले असून हंगमातील ते नीचांकी तापमान आहे. 

थंड हवामानाबरोबरच हलक्या सरींचा अनुभव नाशिककर गेल्या काही दिवसांपासून घेत आहेत असतानाच मागील चार दिवसांपासून निरभ्र आकाशाबरोबरच लख्ख सुर्यप्रकाशाचा अनुभव नाशिककर घेत असतानाच गेल्या तीन दिवसांपासून तापमानात सातत्याने घट होत आहे. त्यामुळे ग्रामीण भागासह शहरी भागातील घराघरात शेकोट्यांच्या संख्येत मोठी वाढ झाली आहे. शहरातील तापमानात गत तीन दिवसांपासून विक्रमी घट होत असतानाच उत्तरेकडून आलेल्या शीतलहरींमुळे त्यात घटच होत आहे. हा गारठा अजूनही वाढू शकतो, अशी शक्यता तज्ज्ञांनी वर्तविली आहे. दोन वर्षांपूर्वी शहराचा पारा ५अंश सेल्सियसपर्यंत घसरला होता. यंदाही त्याची पुनरावृत्ती होण्याची शक्यता तज्ज्ञांनी वर्तविली आहे. 
 

हेही वाचा - शुभमंगल सावधान आणि 'त्यांच्या' पासूनही जरा सावधान! टार्गेट सप्तपदीचा मुहूर्त

उबदार कपड्यांना मागणी 

थंडीचा कडाका वाढल्याने उबदार कपड्यांची मागणी वाढली आहे. त्यामुळे स्वेटर्स व अन्य उबदार कपडे खरेदीसाठी झुंबड उडत आहे. उबदार कपड्यांसाठी शऱणपूर रोडवरील तिबेटियन मार्केटसह शालिमार चौक, मेनरोड याठकाणी जोरदार खरेदी सुरू आहे. 

शेकोट्यांत वाढ 

सातत्याने घसरणा-या पा-यामुळे ग्रामीण भागासह शहरी भागातही सायंकाळनंतर शुकशुकाट होत आहे. त्यामुळे ग्रामीण भागात घराच्या अंगणात तर शहरी भागात घराघरात छोट्यामोठ्या शेकोट्या पेटू लागल्या आहेत. त्यासाठी जळावू लाकडांसह कोळशाचा वापर जात आहे. 
 

हेही वाचा - निनावी पत्रावरून पोलीसांनी लावला शोध, हाती लागली धक्कादायक माहिती