पत्र्याच्या शेडमध्ये सुरु होता धक्कादायक प्रकार; पोलिसांनी छापा टाकत पकडले रंगेहाथ

नाशिक : महाराष्ट्र-गुजरात राज्याच्या सीमावर्ती भागातील बर्डीपाडा येथे राज्य उत्पादन शुल्क विभागाने छापे टाकून दादरा, नगरहवेली या केंद्रशासित प्रदेशात निर्मित आणि महाराष्ट्रात विक्रीस बंदी असलेला तब्बल दीड कोटी रुपयांचा बेकायदा मद्यसाठा हस्तगत केला. या कारवाईत तीन जणांना अटक केली असून, मद्यवाहतुकीसाठी वापरलेली चार वाहने जप्त केली.

असा आहे प्रकार
 
गिरीश पवार (वय २३, उंबरठाण, सुरगाणा), हेमंत मोरे (वय २२, बापळून, सुरगाणा) आणि शैलेश गावित (वय ३०, सातवाकल, धरमपूर, गुजरात) अशी अटक केलेल्या संशयितांची नावे आहेत. राज्य उत्पादन शुल्क विभागाच्या पुणे विभागात नोंदविलेल्या एका गुन्ह्याच्या तपासात समोर आलेल्या माहितीच्या आधारे ही कारवाई करण्यात आली. पुणे विभागाचे उपायुक्त प्रसाद सुर्वे यांच्या मार्गदर्शनाखाली पथकाने महाराष्ट्र-गुजरातच्या सीमेवर सुरगाणा तालुक्यात बर्डीपाडा-परगाणा रस्त्यावरील पत्र्याच्या गुदामात छापे टाकले. या गुदामांत बेकायदा वाहतूक करून मद्याची साठवणूक करण्यात आल्याचे पुढे आले असून, या कारवाईत तिघा संशयितांना बेड्या ठोकल्या.

हेही वाचा > तो शेवटचा विवाहसोहळा! काही समजण्याच्या आतच विवाहितेची जीवनयात्रा संपली; वाडीचौल्हेर गावात शोककळा

दीड कोटीचा मुद्देमाल जप्त

पथकाने वाहतुकीसाठी वापरलेले दोन आयशर टेम्पो, दोन चारचाकी वाहने आणि अवैध मद्यासाठा असा सुमारे एक कोटी ४५ लाख ९३ हजार ९५३ रुपये किमतीचा मुद्देमाल जप्त केला. निरीक्षक दिगंबर शेवाळे, दुय्यम निरीक्षक शहाजी गायकवाड, एस. व्ही. बोधे, जवान तांबळे, शेख, नेमाडे, कदम, झिंगळे आदींच्या पथकाने ही कामगिरी केली. या प्रकरणी संशयितांविरुद्ध महाराष्ट्र दारूबंदी कायद्यान्वये गुन्हा दाखल करण्यात आला.  

हेही वाचा > ''माझ्या बायकोला आधी वाचवा हो'', रक्ताच्या थारोळ्यात पडलेल्या नवऱ्याचा आक्रोश; दुर्देवी घटना