नाशिक/देवळा : येथील कृषी उत्पन्न बाजार समितीत सोमवारी (ता. २८) नवीन लाल कांदा विक्रीस आला. त्यास तीन हजार १०० रुपये प्रतिक्विंटल असा भाव मिळाला. या हंगामातील पहिलाच लाल कांदा बाजारात आल्याने या कांद्याचे व शेतकऱ्याचे स्वागत करण्यात आले.
उन्हाळ कांद्यासोबत बाजार समित्यांना खरीप हंगामातील लाल कांद्याची प्रतीक्षा होती. ज्या शेतकऱ्यांचा उन्हाळ कांदा संपला अशा काही शेतकऱ्यांनी खरीप लाल कांद्यावर लक्ष केंद्रित केले असले तरी फारच कमी शेतकरी या कांदा उत्पादनात यशस्वी होत आहेत. त्यात रामेश्वर (ता. देवळा) येथील कुशल ढेपले या शेतकऱ्याने सर्वच प्रतिकूल परिस्थितीवर मात करत लाल कांदा पिकविला व सोमवारी देवळा बाजार समिती आवारात विक्रीसाठी आणला.
शेतकऱ्यांनी गर्दी
नवीन लाल कांदा पाहण्यासाठी शेतकऱ्यांनी गर्दी केली होती. या हंगामात पहिल्यांदाच लाल कांदा आल्याने कांदामालक कुशल ढेपले या शेतकऱ्याचा बाजार समिती व व्यापाऱ्यांनी सत्कार करत अभिनंदन केले. बाजार समितीचे उपसभापती रमेश मेतकर, संचालक बापू देवरे, काकाजी शिंदे, सचिव माणिक निकम व इतर व्यापारी, शेतकरी उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.