नाशिक : शहरात विविध भागात सतत रस्त्यांवर डांबराचे थर टाकले जात आहेत. हे सर्व रस्ते काही दिवसांतच पुन्हा नादुरुस्त होतात. त्याबाबत विचारणा केल्यावर उत्तर मिळत नाही. मात्र रविवारी भाजप नेत्यांच्या प्रभागात रस्त्याचे निकृष्ठ डांबरीकरण सुरु होते. ते समजल्यावर "मनसे'चे कार्यकर्ते रोहन देशपांडे व त्यांच्या सहकाऱ्यांनी काम बंद पाडले. अभियंत्यांना जागेवर बोलावून चांगलेच धारेवर धरले. त्यामुळे नागरीकांची मोठी गर्दी झाली.
ठेकेदार, सुपरवायझर व सिव्हिल इंजिनिअर यांना बजावले
शहरातील प्रभाग 20 मधील शिखरेवाडी भागात रविवारी रस्ता डांबरीकरणाला विरोध करण्यात आला. निकृष्ट दर्जाचे काम होत असल्याचे निदर्शनाला आल्याने महाराष्ट्र नवनिर्माण सेनेने आक्षेप घेतला. योग्य पध्दतीने व नियमांचे पालन करून पक्का रस्ता करण्यात यावा असे ठेकेदार, सुपरवायझर व सिव्हिल इंजिनिअर यांना बजावण्यात आले. मनसेचे कार्यकर्ते रोहन देशपांडे व जागरुक नागरिकांनी घटनास्थळी धाव घेतली. पैशांचा दुरुपयोग न होता दर्जेदार रस्ता तयार करण्याच्या सूचना संबंधितांना दिल्या.
रस्त्याची उंची वाढल्याने बाजूची घरे, दुकाने यामध्ये पाणी शिरण्याचा धोका
गेल्या काही दिवसांपासून हॉटेल करी लिव्हज ते शिखरेवाडी कारंजा दरम्यानचा सुमारे किलोमीटर रस्त्याचे डांबरीकरण सुरू होते. मात्र काल सकाळी हे काम योग्य पध्दतीने होत नसल्याचे नागरिकांच्या लक्षात आले. त्यांनी मनसेचे जागृत कार्यकर्ते रोहन देशपांडे यांच्या निदर्शनास ही बाब आणली. देशपांडे व सहकाऱ्यांनी घटनास्थळी जाऊन सुपरवायझर कैलास लोळगे व सिव्हिल इंजिनिअर राहुल वाघ यांना जाब विचारला. वास्तविक रस्त्याचे काम तीन थरांमध्ये होणे आवश्यक असते. प्रत्यक्षात मातीच्या थरावर सबबेस करुन नंतर इमल्शन व ऑइल पसरुन वर डांबरीकरण करणे गरजेचे असते. किलोमीटरच्या या रस्त्यावर केवळ मातीच्या थरावर डांबर पसरण्यात आले. योग्य पध्दतीने हे काम न झाल्याने तो लवकरच खचेल व पावसाळ्यात पुन्हा खड्डे पडतील. रस्त्याची उंची वाढल्याने बाजूची घरे, दुकाने यामध्ये पाणी शिरण्याचा धोका संभवतो. हे सारे निदर्शनास आणण्यात आले. मात्र त्याकडे दुर्लक्ष करत संबंधित काम संपवून निघून गेले.
या सगळ्या कामात नियम, पद्धत धाब्यावर बसविण्यात आली. त्यामुळे यापुढे कामात सुधारणा न झाल्यास ते बंद पाडण्याचा इशारा दिला. सत्ताधारी भाजपचे मोठे नेते, तसेच सभापतींचा हा प्रभाग आहे. त्यांच्याच प्रभागातील कामाचा पंचनामा झाल्यानेतो चर्चेचा विषय ठरला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.