Gram Panchayat Results : सायगावात राष्ट्रवादीचा प्रगती पॅनल विजय; ११ पैकी ८ जागांवर वरचष्मा

प्रवीण खैरनार
Monday, 18 January 2021

येवला तालुक्यातील सायगाव ग्रामपंचायत निवडणुकीत राष्ट्रवादी कॉंग्रेसच्या गणपतराव खैरनार, ॲड. सुभाष भालेराव यांच्या नेतृत्वाखालील प्रगती पॅनलने अकरापैकी आठ जागांवर विजय मिळवत सत्ता काबीज केली.

सायगाव (नाशिक) : येवला तालुक्यातील सायगाव ग्रामपंचायत निवडणुकीत राष्ट्रवादी कॉंग्रेसच्या गणपतराव खैरनार, ॲड. सुभाष भालेराव यांच्या नेतृत्वाखालील प्रगती पॅनलने अकरापैकी आठ जागांवर विजय मिळवत सत्ता काबीज केली. तर, भागुनाथ उशिर, राजेंद्र खैरनार यांच्या नेतृत्वाखालील तिसऱ्या आघाडीला केवळ दोन जागांवर समाधान मानावे लागले. 

११ पैकी ८ जागांवर वरचष्मा 

बहुजन महासंघाचे तालुकाध्यक्ष भाऊसाहेब अहिरे यांनी अपक्ष म्हणून निवडणूक लढवत विजयश्री प्राप्त केली. विजयी उमेदवार असे वॉर्ड क्र. एकमध्ये संदीप पुंड, भाऊसाहेब अहिरे, रंजना पठारे. वॉर्ड क्र. दोनमध्ये अरविंद उशिर, रुपाली उशिर, शालन कुळधर. वॉर्ड क्र. तीनमध्ये अनिता खैरनार, गणेश माळी. तर, वॉर्ड क्र. चारमधून दिपक खैरनार, रेखा जानराव, योगिता निघुट यांनी विजय मिळवला. विजयी उमेदवारांच्या समर्थकांनी फटाके फोडून, गुलालाची उधळण करीत आनंद व्यक्त केला.  

हेही वाचा > ढोंगीबाबाचा कारनामा! आधी खड्याचा केला रुद्राक्ष अन् नंतर केले असे काही; रवानगी थेट पोलिस ठाण्यातच

हेही वाचा > ऐनसंक्रांतीच्या सणाला घरावर ओढावली 'संक्रांत'; लेकाला उराशी धरुन मातेचा जीवघेणा आक्रोश


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: saigaon gram panchayat election result nashik marathi news