दुर्देवी! पहाटेची वेळ...गर्भवती मादीने अचानक पुलावरुन मारली उडी...असं काय घडलं?

नाशिक : (सिन्नर) पहाटेची वेळ...सरदवाडीजवळील वळण रस्त्यावर धक्कादायक घटना घडली. बुधवारी (ता.22) पहाटे ५.३० च्या सुमारास ते जोडपं करत होते रस्त्यावर मुक्तसंचार...पण नियतीच्या मनात होते वेगळेच. अन् अचानक पुलावरुन गर्भवती मादीनी घेतली खाली उडी...असं काय घडले?

अशी आहे घटना

सरदवाडी धरण परिसरात अन्नपाण्याच्या शोधात हरणाचं जोडपं आलं होतं. जवळून जाणाऱ्या नाशिक-पुणे वळण रस्त्यावरून जात असताना बुधवारी (ता.22) पहाटे ५.३० च्या सुमारास रस्त्यावरील पुलावर भरधाव वेगात आलेल्या अज्ञात वाहनाने या जोडप्यातील नर हरणाला जबर धडक दिली. या अपघातात नराच्या डाव्या पायाला जबर मार लागला तर घाबरलेल्या हरणाच्या मादीने पुलावरून खाली उडी मारली.

अतिरक्तस्रावाने मृत्यू

सुमारे ३० ते ४० फूट उंचावरून गर्भवती असलेली मादी पोटावर पडली. अंतर्गत रक्तस्त्राव झाल्याने तिचा मृत्यू झाला तर वर रस्त्यावर नर हरीण जखमी अवस्थेत पडून होते. त्यानंतर काही वेळाने जवळून जाणाऱ्या स्थानिक नागरिकांनी हरणांच्या अपघाताचे दृश्य पाहून माजी आमदार राजाभाऊ वाजे यांना दुरध्वनीवरून माहिती दिली.

हेही वाचा >नाशिकला पवार साहेब आल्यानंतर सांगणार काय? कॉंग्रेस-राष्ट्रवादी कॉंग्रेसची अवस्था केविलवाणी.. तर मनसे कोमात!

दोन्ही हरणांचे मृतदेह मोहदरी वनउद्यानात दफन

वाजे यांनी तात्काळ युवामित्र संस्थेच्या रुग्णवाहिकेला पाचारण करून या रुग्णवाहिकेतून मादी व नर हरणाला उपचारार्थ पशुवैद्यकीय दवाखान्यात पाठविले. तेथे पशुधन विकास अधिकारी डॉ. योगेश दुबे व डॉ. मिलिंद भणगे यांनी जखमी नरावर उपचार सुरू केले; मात्र उपचारा-दरम्यान नर हरणाचीही प्राणज्योत मालवली. पशुवैद्यकीय अधिकाऱ्यांनी शवविच्छेदन केल्यानंतर दोन्ही हरणांचे मृतदेह मोहदरी वनउद्यानात दफन करण्यात आले.

हेही वाचा >नाशिकला पवार साहेब आल्यानंतर सांगणार काय? कॉंग्रेस-राष्ट्रवादी कॉंग्रेसची अवस्था केविलवाणी.. तर मनसे कोमात!